| e-texts navigator |
| Wylie |
73b1 བརྩོན་པའི་བྱང་ཆུབ་སེམས་དཔའ་རྣམས་ཀྱི་ཡོན་ཏན་གྱི་ཁྱད་པར་ཚད་མེད་པར་འགྱུར་རོ། ། དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་གསུངས་སོ།། དེ་བཞིན་།
73b2 གཤེགས་པའི་དམ་ཆོས་གང་འཛིན་པ། དེ་དག་ཕན་ཡོན་རྣམ་པ་མང་འགྱུར་ཏེ།། དེ་ལས་ཕྱོགས་ཙམ་ཡོངས་སུ་བརྗོད་པར་བྱ། དཔེར་ན་རྒྱ་མཚོའི་ཆུ་ལས་ཐིགས་པ་བཞིན།། དེ་བཞིན
73b3 གཤེགས་པའི་དམ་པའི་ཆོས་འཛིན་པ། ། དེ་ནི་དེ་བཞིན་གཤེགས་ལ་བྱས་གཟོ་ཡིན།། རྒྱལ་བ་རྣམས་ཀྱི་མཛོད་འཛིན་ཡིད་བརྟན་ཅིང་།། ཕྱོགས་བཅུ་རྣམས་སུ་སངས་རྒྱས་མཆོད་པ་ཡིན།། སངས
73b4 རྒྱས་སྤྱན་གྱིས་གཟིགས་པའི་ཞིང་མང་པོ། ། རིན་ཆེན་བཀང་སྟེ་དེ་བཞིན་གཤེགས་ལ་ཕུལ།། ཟད་པའི་དུས་ན་ཇི་ལྟར་ཆོས་འཛིན་ལྟར། བསོད་ནམས་ཕུང་པོ་དེ་ཙམ་འཕེལ་མ་ཡིན།། འཇིག་རྟེན
73b5 ཟང་ཟིང་རྒྱལ་ལ་བསྟི་སྟང་བྱས། ། འཇིག་རྟེན་བྱེད་ལ་ནམ་ཡང་གྲོལ་མི་འགྱུར།། འཇིག་རྟེན་འདས་པའི་ཆོས་ནི་གང་ཚོལ་བ། མཁས་པ་དེ་ནི་འཇིག་རྟེན་ཆོས་ལས་འདའ།། དེ་བཞིན་གཤེགས་པའི
73b6 དམ་པའི་ཆོས་འཛིན་པ། ། རྒྱལ་བ་རྣམས་ཀྱིས་ཡོངས་སུ་བཟུང་བར་འགྱུར།། ལྷ་དང་ཀླུ་དང་མི་འམ་ཅི་རྣམས་དང་། བསོད་ནམས་ཡེ་ཤེས་ཀྱིས་ནི་ཡོངས་སུ་བཟུང་།། དེ་བཞིན་གཤེགས་པའི
73b7 དམ་པའི་ཆོས་འཛིན་པ། ། དྲན་ལྡན་བློ་གྲོས་ལྡན་ཞིང་བློ་ལྡན་འགྱུར།། ཤེས་རབ་རྒྱ་ཆེན་ཀུན་ནས་ཡེ་ཤེས་ལྡན།། མཁས་པ་བག་ཆགས་བཅད་པའི་ཉོན་མོངས་སྤོང་།། དེ་བཞིན་གཤེགས་པའི
iiif viewer powered by OpenSeadragon
