| e-texts navigator |
| Wylie |
71a1 བྱིན་ཏེ། བློ་གྲོས་རྒྱ་མཚོ་ཁྱོད་ཀྱིས་བྱང་ཆུབ་སེམས་དཔའ་རྣམས་ཀྱི་སྤོབས་དེ་དག་ལེགས་པར་བཤད་པ་ནི་ལེགས་སོ་ལེགས་སོ།། སྟོབས་འདི་ལྟ་བུ་དང་ལྡན་པའི
71a2 བྱང་ཆུབ་སེམས་དཔའ་རྣམས་ནི་གང་ཐོས་ནས་སྐྲག་པར་འགྱུར་བའི་སངས་རྒྱས་ཀྱི་ཆོས་དེ་དག་གང་ཡང་མེད་དོ། ། བློ་གྲོས་རྒྱ་མཚོ་བསྟན་པའི་སྒྲ་དེ་དག་ཐམས་ཅད་ནི་འཇིག་པའོ།། བྱང་ཆུབ་ཀྱི།
71a3 དོན་དམ་པ་གང་ཡིན་པ་དེ་ནི་བརྗོད་པར་མི་ནུས་སོ།། དེ་ཅིའི་ཕྱིར་ཞེ་ན། བརྗོད་དུ་མེད་པ་དེ་ནི་བསྙད་དུ་མེད་པ་སྟེ། དེ་ལ་ནི་ཡི་གེ་རྣམས་ཀུན་ཏུ་མི་རྒྱུའོ།། དེ་ལ་ནི་སེམས་དང་སེམས་ལས
71a4 བྱུང་བའི་ཆོས་རྣམས་ཀྱང་ཀུན་ཏུ་མི་རྒྱུ་ན། ཡི་གེ་རྣམས་ཀུན་ཏུ་རྒྱུ་བར་འགྱུར་བ་ལྟ་སྨོས་ཀྱང་ཅི་དགོས། འདི་ལྟར་ཆོས་ཟབ་མོ་ཡི་གེ་མེད་པ།། བསྙད་པ་མེད་པ། རྗོད་དུ་མེད་པ
71a5 སྨྲར་མེད་པ་འདི་ལྟ་བུ་མངོན་པར་རྫོགས་པར་སངས་རྒྱས་ཀྱང་ཡི་གེའི་རྣམ་པར་རིག་པས། སེམས་ཅན་གཞན་དང་། གང་ཟག་གཞན་རྣམས་ལ་སྟོན་ཏེ། སེམས་ཅན་བསམ་གྱིས་མི་ཁྱབ་པ
71a6 དག་ལ་སངས་རྒྱས་བཅོམ་ལྡན་འདས་རྣམས་ཀྱི་ཐུགས་རྗེ་ཆེན་པོ་ཇི་སྙེད་འཇུག་པ་ལ་ལྟོས། ། བློ་གྲོས་རྒྱ་མཚོ་འདི་ལྟ་སྟེ། དཔེར་ན། སྐྱེས་བུ་ལ་ལ་ཞིག་གིས་ནམ་མཁའ
71a7 གཟུགས་མེད་པ། བསྟན་དུ་མེད་པ། ཐོག་པ་མེད་པ། རྣམ་པར་རིག་པ་མེད་པ་འདི་ལ་ཚོན་སྣ་ཚོགས་ཀྱིས་རི་མོར་བྲིས་ཏེ། རྟ་པ་དང་། གླང་པོ་ཆེ་དང་། ཤིང་རྟ་དང་། དཔུང་བུ་ཆུང་དང་།
iiif viewer powered by OpenSeadragon
