| e-texts navigator |
| Wylie |
69a1 ཡིན་ཞེས་བརྗོད། ། རྟེན་ཅིང་འབྲེལ་པར་གང་བྱུང་བ།། དེ་དག་གང་ལའང་རང་བཞིན་མེད།། གང་དག་ངོ་བོ་ཉིད་མེད་པ།། དེ་དག་གང་དུའང་འབྱུང་བ་མེད།། འགྲོ་བ
69a2 མཐའ་མེད་མཉམ་པ་ནི། ། གང་གི་མཐར་འདིརང་ཤེས་པ། དེ་ཡི་ཡེ་ཤེས་མཐར་སོན་པ།། ཆོས་རྣམས་ཀུན་ལ་འཇུག་པར་འགྱུར།། ཆོས་རྣམས་གང་དག་འདས་པ་དང་།། ཆོས་རྣམས།
69a3 གང་དག་མ་འོངས་དང་།། ད་ལྟར་བྱུང་བའི་ཆོས་གང་དག། དེ་རྣམས་སངས་རྒྱས་ཆོས་སུ་འདོད།། དེ་ལྟར་དུས་གསུམ་རྣམས་ལ་ཡང་།། སངས་རྒྱས་ཡེ་ཤེས་ཆགས་པ་མེད།། གང་དུ་ཡེ་ཤེས
69a4 མི་ཆགས་པ། ། དེ་དག་ཐུབ་པའི་ཆོས་སུ་བསྟན།། སྟོབས་ནི་རྣམ་པ་བཅུ་དག་དང་།། མི་འཇིགས་རྣམ་བཞི་གང་དག་དང་།། སངས་རྒྱས་རྣམས་ཀྱི་མ་འདྲེས་ཆོས།། རྣམ་པ་བཅོ་བརྒྱད་གང
69a5 ཡིན་དང་། ། གཞན་ཡང་ཆོས་གང་ཇི་ཡོད་པ།། ཐམས་ཅད་འདིར་ནི་འདུས་པར་གྱུར།། དེས་ན་ཆོས་རྣམས་དེ་དག་ཀུན།། སངས་རྒྱས་ཆོས་ཤེས་བརྗོད་པ་ཡིན།། །
69a6 བམ་པོ་ལྔ་པ། ཚངས་པ་སྙིང་རྗེ་ཆེན་པོ་སེམས་པས།། གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་རྒྱ་མཚོ་ལ་འདི་སྐད་ཅེས་སྨྲས་སོ།། ཅི་རིགས་ཀྱི་བུ་ཁྱོད་ལ
69a7 ཆོས་འདི་དག་མངོན་སུམ་དུ་གྱུར་ཏམ་སྨྲས་པ། ། ཚངས་པ་ཅི་སངས་རྒྱས་ཀྱི་ཆོས་རྣམས་གཟུགས་སུ་བགྲང་ངམ། སྨྲས་པ་དེ་ནི་མ་ཡིན་ནོ།། སྨྲས་པ། ཚངས་པ་ཆོས་གང་གཟུགས་མེད།། བསྟན་དུ་མེད
iiif viewer powered by OpenSeadragon
