| e-texts navigator |
| Wylie |
68b1 རྒྱས་ཆོས་གནས་ལྟར། ། སློབ་པའི་ཆོས་རྣམས་དེ་ལྟར་གནས།། ཆགས་མེད་ཆོས་ནི་མཚུངས་པའི་དོན།། དེ་ལྟར་དེ་དག་གཞན་མི་གནས།། རང་སངས་རྒྱས་ཀྱི་ཆོས་རྣམས་ཀྱང་།། འདིར
68b2 ནི་མཉམ་པ་ཇི་བཞིན་གནས། ། དེ་ལྟའི་གནས་ལ་གནས་པའི་ཆོས།། སངས་རྒྱས་ཆོས་ཏེ་བླ་ན་མེད།། སངས་རྒྱས་ཆོས་རྣམས་དེ་དག་ནི།། ཡུལ་དང་ཕྱོགས་ན་གནས་པ་མེད།། སྐྱེ་བ་དང
68b3 ནི་འཇིག་པ་ཡིས། ། ནམ་ཡང་རབ་ཏུ་ཕྱེ་བ་མིན།། གང་དུའང་ཆོས་རྣམས་དེ་དག་ལ།། དབྱིབས་དང་ཁ་དོགས་རྙེད་མི་འགྱུར།། མཚན་མ་མེད་ཅིང་རྟགས་མེད་པར།། སངས་རྒྱས་ཆོས་རྣམས
68b4 རབ་ཏུ་བསྟན། ། ཆོས་ཀུན་རང་བཞིན་གང་ཡིན་པ།། སངས་རྒྱས་ཆོས་རྣམས་དེ་ལྟའི་ཚུལ།། དེས་ན་དེ་དག་མཉམ་པར་བསྟན།། ཁྱད་པར་མེད་དེ་མཚན་ཉིད་མེད།། སངས་རྒྱས་ཆོས་རྟོགས
68b5 འདོད་པ་ཡིན། ། ཆོས་རྣམས་ཀུན་ལ་བལྟ་བར་བྱ།། གང་ཚེ་ཆུང་ཟད་མི་དམིགས་པ།། དེའི་ཚེ་རྣམ་པར་བལྟས་པ་ཡིན།། སངས་རྒྱས་དང་ནི་སངས་རྒྱས་ཆོས།། ཆོས་རྣམས་ཀུན་ཡང་ཐམས
68b6 ཅད་དུ། ། བྱང་ཆུབ་སྙིང་པོར་དྲང་སྲོང་ཆེས།། དེ་དག་ཡང་དག་མཉམ་པར་རྟོགས།། སངས་རྒྱས་ཆོས་གང་སངས་རྒྱས་ཀྱིས།། བྱང་ཆུབ་སྙིང་པོར་གང་བལྟས་པ།། སངས་རྒྱས་ཆོས་བསྟན
68b7 དེ་དག་ནི། ། རྟག་ཏུ་མཉམ་པ་ཉིད་ཀྱི་མཉམ།། མཉམ་སྟེ་མི་མཉམ་མེད་པའི་ཆོས།། ནམ་མཁའ་ལྟ་བུར་དྲི་མེད་པར།། སངས་རྒྱས་ཀྱིས་ནི་མཁྱེན་པས་རྟོགས།། དེས་འདིར་སངས་རྒྱས
iiif viewer powered by OpenSeadragon
