| e-texts navigator |
| Wylie |
68a1 ལྟ་བུ་མ་ཡིན་པ་དག་སྟེ། དེ་དག་གི་ཁ་དོག་མེད་པ། དབྱིབས་མེད་པ། རྟགས་མེད་པ་དག་གོ།། དེ་དག་ནི་མཚན་མ་མེད་པ་དག་གོ།། ཚངས་པ་མཚན་མ་མེད་པའི་དོན་ནི།།
68a2 སངས་རྒྱས་ཀྱི་ཆོས་ཀྱི་དོན་ནོ།། སངས་རྒྱས་ཀྱི་ཆོས་ཀྱི་དོན་ནི། འཆི་འཕོ་མེད་པའི་ཚིག་གི་དོན་ནོ།། འཆི་འཕོ་མེད་པའི་ཚིག་གི་དོན་ནི། ཞི་བའི་དོན་ནོ།། ཞི་བའི་དོན་ནི་དབེན་པའི་དོན་ནོ།། དབེན
68a3 པའི་དོན་ནི་སྟོང་པའི་དོན་ནོ། ། སྟོང་པའི་དོན་ནི་གནས་མེད་པའི་དོན་ནོ།། གནས་མེད་པའི་དོན་ནི་དེ་ཁོ་ནའི་དོན་ནོ།། དེ་ཁོ་ནའི་དོན་ནི་ཤིན་ཏུ་སྐྱེ་བ་མེད་པའི་དོན་ནོ།། སྐྱེ་བ་མེད་པའི་དོན་ནི་འགག་པ་མེད
68a4 པའི་དོན་ནོ། ། འགག་པ་མེད་པའི་དོན་ནི་གནས་མེད་པའི་དོན་ནོ།། དེ་ལ་འདི་སྐད་ཅེས་བྱ་སྟེ། མཚན་མ་མེད་པའི་དོན་བརྗོད་འདི།། སངས་རྒྱས་ཆོས་ཀྱི་དམ་པ་སྟེ།། སངས་རྒྱས་ཆོས་དོན
68a5 བསྟན་པ་ནི། ། འཆི་འཕོ་མེད་པའི་ཚིག་ཅེས་བྱ།། འཆི་འཕོ་མེད་དོན་ཞི་བའི་དོན།། རྣམ་པར་དབེན་པའི་དོན་དུ་བསྟན།། དབེན་པའི་དོན་ནི་སྟོང་པའི་དོན།། སྟོང་པའི་དོན་ནི་གནས་མེད་དོན།།
68a6 གནས་མེད་དོན་ཉིད་དེ་ཁོ་ན།། དེ་ཉིད་དོན་ནི་དེ་བཞིན་ཉིད།། ཤིན་ཏུ་སྐྱེ་དང་བྲལ་བ་ནི།། འགག་པ་མེད་པའི་དོན་དུ་བསྟན།། འགག་མེད་དོན་ནི་གནས་མེད་དོན།། གནས་པ་མེད་པ་ཆོས
68a7 དོན་ཚིག། ཆོས་དབྱིངས་ཇི་ལྟར་གནས་པ་ལྟར།། ཆོས་རྣམས་ཐམས་ཅད་དེ་ལྟར་གནས།། ཆོས་ཀུན་ཇི་ལྟར་གནས་པ་ལྟར།། སངས་རྒྱས་ཆོས་རྣམས་དེ་ལྟར་གནས།། ཇི་ལྟར་སངས
iiif viewer powered by OpenSeadragon
