| e-texts navigator |
| Wylie |
67a1 རྣམས་ཤེས་བྱ་བ་དེ་གང་གི་ཚིག་བླ་དགས་ལགས། དེ་སྐད་ཅེས་སྨྲས་པ་དང་། བྱང་ཆུབ་སེམས་དཔའ་བློ་གྲོས་རྒྱ་མཚོས་ཚངས་པ་སྙིང་རྗེ་ཆེན་པོ་སེམས་པ་ལ་འདི་སྐད་ཅེས
67a2 སྨྲས་སོ། ། ཚངས་པ་སངས་རྒྱས་ཀྱི་ཆོས་རྣམས། སངས་རྒྱས་ཀྱི་ཆོས་རྣམས་ཤེས་བྱ་བ་ལ། སངས་རྒྱས་ཀྱི་ཆོས་རྣམས་ཤེས་བྱ་བ་དེ་ནི། ཆོས་ཐམས་ཅད་ཀྱི་ཚིག་བླ་དགས་སོ།། དེ་ཅིའི
67a3 ཕྱིར་ཞེ་ན། ཚངས་པ་དེ་བཞིན་གཤེགས་པས་ཡོངས་སུ་ཆད་པའི་རྣམ་པས་ཚད་དང་ལྡན་པར་བྱང་ཆུབ་མངོན་པར་རྫོགས་པར་སངས་རྒྱས་པ་མ་ཡིན་གྱི། དེ་བཞིན་གཤེགས་པས་ཡོངས་སུ་མ་ཆད
67a4 པའི་རྣམ་པས། ། ཆོས་ཐམས་ཅད་མཉམ་པ་ཉིད་ཀྱི་རྣམ་པས། ཚད་མེད་པར་བྱང་ཆུབ་མངོན་པར་རྫོགས་པར་སངས་རྒྱས་སོ།། ཚངས་པ་ཆོས་ཐམས་ཅད་མཉམ་པ་ཉིད་དུ་ཁོང་དུ་ཆུད་པ་ནི
67a5 བྱང་ཆུབ་སྟེ། ཚངས་པ་དེའི་ཕྱིར་ཆོས་ཐམས་ཅད་ནི་སངས་རྒྱས་ཀྱི་ཆོས་རྣམས་ཤེས་བྱའོ།། ཚངས་པ་ཆོས་ཐམས་ཅད་ཅི་འདྲ་བར་སངས་རྒྱས་ཀྱི་ཆོས་རྣམས་ཀྱང་དེ་འདྲ་བ་ཉིད་དོ།། ཆོས་ཐམས
67a6 ཅད་ཀྱི་ངོ་བོ་ཉིད་གང་ཡིན་པ་དེ་སངས་རྒྱས་ཀྱིས་ཆོས་རྣམས་ཀྱི་ངོ་བོ་ཉིད་དོ། ། ཆོས་ཐམས་ཅད་དབེན་པ་ཉིད་པས། སངས་རྒྱས་ཀྱི་ཆོས་དབེན་པ་ཉིད་ཁོང་དུ་ཆུད་པར་བྱའོ།། ཆོས་ཐམས་ཅད
67a7 སྟོང་པས་སངས་རྒྱས་ཀྱི་ཆོས་སྟོང་པ་ཉིད་དུ་ཁོང་དུ་ཆུད་པར་བྱའོ། ། ཚངས་པ་ཆོས་ཐམས་ཅད་ནི་རྟེན་ཅིང་འབྲེལ་པར་འབྱུང་བ་དག་སྟེ། རྟེན་ཅིང་འབྲེལ་པར་འབྱུང་བ་ཁོང་དུ་ཆུད་པ་ནི
iiif viewer powered by OpenSeadragon
