| e-texts navigator |
| Wylie |
66b1 སྒྲིབ་པ་མེད་ཅིང་རྒྱུན་ཆད་ཡོད་པ་མིན།། ང་རྒྱལ་མངོན་པའི་ང་རྒྱལ་གང་ཚེ་སྤངས།། དེ་ཚེ་བརྩོན་འགྲུས་སྟོབས་ཀྱིས་ལས་བྱས་མིན།། མཚན་མ་ཐམས་ཅད་སེལ་བ་གང་ཡིན་དང་།། སྤྲོས་པ་ཐམས
66b2 ཅད་འཇུག་པ་མེད་པ་དང་། ། ཉོན་མོངས་ཐམས་ཅད་སྤོང་བ་ཡིན་པ་དང་།། བརྩོན་འགྲུས་དེ་ནི་མཁས་པ་རྣམས་ཀྱིས་བསྔགས།། བརྩོན་འགྲུས་འབར་བས་རབ་ཏུ་བསྔགས་པའི་ཚེ།། བརྩོན་འགྲུས་ཡོན
66b3 ཏན་འདི་དག་ཐོས་ནས་ནི། ། གྲགས་པ་ཆེན་པོ་སྟོང་ཕྲག་བཅུ་ཀུན་གྱིས།། མི་སྐྱེའོ་བཟོད་པ་རབ་ཏུ་ཐོབ་པར་གྱུར།། འདི་ཐོས་ནས་ནི་སྟོང་ཕྲག་ལྔ་ཞིག་ཀྱང་།། སངས་རྒྱས་ཞིང་འདིར་བཟོད་པ་རྣམ་པར
66b4 སྦྱངས། ། མི་དང་ལྷ་དང་ལྷ་མིན་མི་འམ་ཅི།། བདུན་སྟོང་བྱང་ཆུབ་མཆོག་ལ་རབ་ཏུ་ཞུགས།། དེ་ན་གང་གིས་བརྩོན་འགྲུས་མཆོག་རེག་པ།། དགེ་སློང་བརྩོན་འགྲུས་བརྟན་པ་ང་ཡིན་ཏེ།། བརྩོན
66b5 འགྲུས་བརྩམས་ནས་ངས་ནི་ལུས་བཏང་སྟེ། ། འདུག་བཞིན་དེ་ཚེ་འཆི་བའི་དུས་བྱས་གྱུར།། བརྒྱད་ཁྲི་ལས་ནི་བཞི་སྟོང་ལྷག་པ་ལ།། བདག་གིས་ལུས་ནི་རབ་ཏུ་སྐམས་པར་བྱས།། བསྐལ་པ་གཅིག།
66b6 ལ་འདྲེན་པ་མཉེན་བྱས་ཏེ།། བདག་གི་བྱང་ཆུབ་སེམས་དཔའ་ཕྱིར་བསྙིལ་ཏོ།། བརྩོན་འགྲུས་བརྩམས་པའི་ལེའུ་སྟེ་ལྔ་པའོ།། །། དེ་ནས་ཚངས་པ་སྙིང་རྗེ་ཆེན་པོ་སེམས་པས།།
66b7 བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་རྒྱ་མཚོ་ལ་འདི་སྐད་ཅེས་སྨྲས་སོ།། རིགས་ཀྱི་བུ་སངས་རྒྱས་ཀྱི་ཆོས་རྣམས་སངས་རྒྱས་ཀྱི་ཆོས་རྣམས་ཤེས་བྱ་བ་ལ།། སངས་རྒྱས་ཀྱི་ཆོས
iiif viewer powered by OpenSeadragon
