| e-texts navigator |
| Wylie |
64a1 ནས་ལྷགས་པ། དེ་དག་དགའ་བའི་རྣམ་པ་ཏིང་ངེ་འཛིན་ཐོབ།། སྔོན་ཆད་མ་མཐོང་བ་ཡི་བདེ་བ་མྱོང་།། རྐང་གཉིས་ཀྱི་ནི་ཚིགས་གྱུར་གྲངས་ཆེན་པོ།། བྱེ་བ་ཕྲག
64a2 ནི་སུམ་ཅུ་རྩ་དྲུག་ཡོད། ། གཞན་ཡང་ལྷ་དང་མི་ནི་མང་པོ་དག། སངས་རྒྱས་ཐེག་པ་མཆོག་ལ་ཞུགས་པར་འགྱུར།། ཡོན་ཏན་ཡེ་ཤེས་རྒྱ་མཚོ་དྲང་སྲོང་ཆེ།། དེ་ནི་བརྩོན་འགྲུས་བསྔགས་པ
64a3 ཡང་ཡང་བརྗོད། ། དེ་ནས་བརྩོན་འགྲུས་བརྟན་པ་མཁས་པ་དེ།། ལངས་ནས་དོན་འདི་ཉིད་ནི་རྒྱལ་ལ་ཞུས།། བྱང་ཆུབ་སེམས་དཔའ་བརྩོན་འགྲུས་བརྩམས་གྱུར་པ།། ཇི་ཙམ་གྱིས་ན་བརྩོན
64a4 འགྲུས་སྟོབས་ལ་གནས། ། དེ་དོན་བཅོམ་ལྡན་བདག་ལ་བཤད་དུ་གསོལ།། བདག་ནི་དེ་ལ་རབ་ཏུ་ནན་ཏན་བགྱིད།། དེ་ཡི་བསམ་པ་མཁྱེན་ནས་ཆོས་རྗེ་དེས།། བརྩོན་འགྲུས་ལས་བརྩམས
64a5 ཡོན་ཏན་རབ་གསུངས་པ། ། རྩོམ་པ་དང་ནི་དེ་བཞིན་བརྟུལ་བ་དང་།། རྟག་ཏུ་སོ་སོར་རྟོག་དང་སྒྲུབ་པའོ།། རྩོམ་པ་དེ་ནི་བྱང་ཆུབ་སེམས་ཤེས་བྱ།། བརྟུལ་བ་དགེ་བ་སྟོང་དག་སྒྲུབ་བྱེད
64a6 པ། སོ་སོར་རྟོག་པ་སེམས་ཅན་ཕན་པའི་དངོས།། བསྒྲུབ་པ་དེ་བྱེད་ཆོས་ལ་བཟོད་པ་ཡིན།། རྩོམ་པ་གུས་པར་བྱས་ཏེ་ཐོས་ཚོལ་བ།། བརྟུལ་བ་བརྟན་པ་ཡང་དག་སྟོན་བྱེད་པ།། སོ་སོར
64a7 རྟོགས་པ་འདི་ནི་ཚུལ་བཞིན་བརྗོད། ། བསྒྲུབ་པ་གང་ཚེ་ཡང་དག་ལྟ་སྐྱེ་བ།། རྩོམ་པ་སེར་ལྷའི་དྲི་མ་སེལ་བ་ཡིན།། བརྟུལ་བ་བདོག་པ་ཐམས་ཅད་ཡོངསུ་གཏོང་བ།། སོ་སོར་རྟོག་པ
iiif viewer powered by OpenSeadragon
