| e-texts navigator |
| Wylie |
63b1 བསྟན་པ་འདི་ལ་བརྩོན་འགྲུས་བརྩམས་པ་ནི་དག་པར་འགྱུར་གྱི། ལེ་ལོ་ཅན་ནི་མ་ཡིན་ནོ།། བློ་གྲོས་རྒྱ་མཚོ་རྣམ་གྲངས་དེས་ན། འདི་ལྟར་གང་ལ་བརྩོན་འགྲུས་དང་། བག་ཡོད་པ།།
63b2 དེ་ལ་བྱང་ཆུབ་ཡོད་པར་རིག་པར་བྱའོ།། བཅོམ་ལྡན་འདས་ཀྱིས་བརྩོན་འགྲུས་དང་རབ་ཏུ་ལྡན་པའི་སྔོན་བྱུང་བ་འདས་པའི་ལེའུ་འདི་བཤད་པ་ན། བྱང་ཆུབ་སེམས་དཔའ་ལྔ་སྟོང་གིས
63b3 མི་སྐྱེ་བའི་ཆོས་ལ་བཟོད་པ་རབ་ཏུ་ཐོབ་པར་གྱུར་ཏོ། ། ལྷ་དང་མིའི་སྐྱེ་དགུའི་སྲོག་ཆགས་བདུན་སྟོང་གིས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ།།
63b4 དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་གསུངས་སོ།། ངས་དྲན་སྔ་མ་འདས་པའི་དུས་ན་ནི། བསྐལ་པ་མེ་ཏོག་འབྱུང་གནས་བལྟ་སྡུག་ལ།།
63b5 ཤིན་ཏུ་རྣམ་བལྟས་འཇིག་རྟེན་ཁམས་མཆོག་ཏུ།། བརྩོན་འགྲུས་འབར་བའི་བདེ་བར་གཤེགས་པ་བྱུང་།། བསྐལ་པ་དེ་ལ་རྒྱལ་བ་གང་བྱུང་བ།། དེ་དག་བརྒྱད་ཁྲི་བཞི་སྟོང་ཐམ་པའོ།། །
63b6 འཇིག་རྟེན་ཁམས་ནི་དགའ་ལྡན་གནས་འདྲ་སྟེ།། མི་ཡི་བཟའ་དང་བཏུང་བ་བསམས་པས་འབྱོར།། བུད་མེད་ཡོད་མིན་མངལ་ན་གནས་པ་མེད།། སེམས་ཅན་ཐམས་ཅད་རྫུས་ཏེ་སྐྱེས་པར
63b7 གྱུར། ཐེག་པ་དམན་པ་གྲག་པར་མ་གྱུར་ཏེ།། ཐམས་ཅད་བདག་ཉིད་ཆེ་བའི་ཐེག་ཆེན་ཞུགས།། ཤིན་ཏུ་རྣམ་པ་ལྟས་འཇིག་རྟེན་ཁམས་བལྟ་ཕྱིར། བྱང་ཆུབ་སེམས་དཔའ་ཕྱོགས་བཅུ
iiif viewer powered by OpenSeadragon
