| e-texts navigator |
| Wylie |
62b1 བག་མེད་པ་མ་ཡིན་པའོ།། བརྩོན་འགྲུས་དེ་ནི་གང་ལ་བྱ་བ་མེད་ཅིང་བྱེད་པ་པོ་མེད་པའོ།། བརྩོན་འགྲུས་དེ་ནི་གང་ལྟ་བར་མི་བྱེད་པ་དང་། རྣམ་པར་ལྟ་བར་མི་བྱེད་པའོ།། བརྩོན་འགྲུས་དེ་ནི།
62b2 གང་ཞི་བར་མི་བྱེད་པ་དང་། རབ་ཏུ་འབར་བར་མི་བྱེད་པའོ།། བརྩོན་འགྲུས་དེ་ནི་གང་བསྲུང་བར་མི་བྱེད་པ་དང་། བསྲུང་བ་དང་བྲལ་བ་མ་ཡིན་པའོ།། བརྩོན་འགྲུས་དེ་ནི་གང་ཀུན་ཏུ་མི་འོང
62b3 བ་དང་། འོང་བ་དང་བྲལ་བ་མ་ཡིན་པའོ།། བློ་གྲོས་རྒྱ་མཚོ་དེ་ལྟར་བཅོམ་ལྡན་འདས་དེ་བཞིན་གཤེགས་པ་བརྩོན་འགྲུས་འབར་བས་བརྩོན་འགྲུས་དང་རབ་ཏུ་ལྡན་པའི་གཏམ་འདི
62b4 དག་རྒྱ་ཆེར་ཡང་དག་པར་རབ་ཏུ་བཤད་པ་ན། སྲོག་ཆགས་ཁྲིས་མི་སྐྱེ་བའི་ཆོས་ལ་བཟོད་པ་ཐོབ་པར་གྱུར་ཏོ།། བྱང་ཆུབ་སེམས་དཔའ་གོ་ཆ་སྲ་བས་བཅོམ་ལྡན་འདས་དེ་ལས་བརྩོན་འགྲུས
62b5 བསྟན་པ་དེ་ཐོས་ནས། དགེ་བའི་ཆོས་ཡོངས་སུ་བཙལ་བ་ལ་མངོན་པར་བརྩོན་ཏེ། བརྩོན་འགྲུས་བརྩམས་ནས་གནས་པར་གྱུར་ཏོ།། དེ་བརྩོན་འགྲུས་བརྩམས་ཏེ། གཅེས་པ་མ་བོ་བར་ལོ།
62b6 བྱེ་བ་འདས་པ་དང་། ཆུང་ངུའི་རྗེས་སུ་འཐུན་པའི་བཟོད་པ་ཐོབ་བོ།། དེ་བརྩོན་འགྲུས་བརྩམས་ཏེ། དགེ་བའི་ཆོས་ཡོངས་སུ་བཙལ་བ་ལ་མངོན་པར་བརྩོན་པས་འདུག་བཞིན་དུ་འཆི་བའི་དུས།
62b7 བྱས་སོ།། དེ་ཤིས་འཕོས་ནས། དེ་བཞིན་གཤེགས་པ་དེ་ཉིད་ཀྱི་སྤྱན་སྔར་རྫུས་ཏེ་སྐྱེས་པར་གྱུར་ནས། དེས་ཡང་དེ་བཞིན་གཤེགས་པ་དེ་ལས་འདུས་པ་ཆེན་པོའི་ལེའུའི་ཆོས་ཀྱི་རྣམ་གྲངས
iiif viewer powered by OpenSeadragon
