| e-texts navigator |
| Wylie |
62a1 ལས་ཤིན་ཏུ་འདའ་བའོ། ། བརྩོན་འགྲུས་དེ་ནི་གང་རྗེས་སུ་ཆགས་པ་དང་ཁོང་ཁྲོ་བ་སྤོང་བའོ།། བརྩོན་འགྲུས་དེ་ནི་གང་མ་རིག་པ་དང་། སྲིད་པའི་སྲེད་པ་རབ་ཏུ
62a2 སྦྱངས་པའོ། ། བརྩོན་འགྲུས་དེ་ནི་གང་ཆགས་པ་དང་ཞེ་སྡང་ཀུན་ཏུ་མི་རྒྱུ་བའོ།། བརྩོན་འགྲུས་དེ་ནི་གང་གཏི་མུག་དང་སོ་སོར་མི་རྟོག་པ་དང་བྲལ་བའོ།། བརྩོན་འགྲུས་དེ་ནི་གང་ནང
62a3 དང་ཕྱིའི་སྐྱེ་མཆེད་རྣམས་ཡོངས་སུ་ཤེས་པའོ། ། བརྩོན་འགྲུས་དེ་ནི་གང་ཕུང་པོ་དང་ཁམས་རྣམས་གདོངད་མ་ནས་སྐྱེ་བ་མེད་པའོ།། བརྩོན་འགྲུས་དེ་ནི་གང་སེམས་ཞི་བ་དང་། རབ་ཏུ
62a4 ཞི་བ་དང་། ཉེ་བར་ཞི་བའོ།། བརྩོན་འགྲུས་དེ་ནི་གང་རྣམ་པར་བསམ་ན། ཆོས་ཐམས་ཅད་མི་དམིགས་པའོ།། བརྩོན་འགྲུས་དེ་ནི་གང་གཉིས་སུ་མེད་ཅིང་གཉིས་སུ་དབྱེར་མེད་པའོ།།
62a5 བརྩོན་འགྲུས་དེ་ནི་གང་ཆོས་ཉིད་གནས་པར་ཤེས་པའོ།། བརྩོན་འགྲུས་དེ་ནི་གང་འཕྲོ་བ་མེད་ཅིང་མི་འཕྲོ་བ་མེད་པའོ།། བརྩོན་འགྲུས་དེ་ནི་གང་ལེན་པ་མེད་ཅིང་འདོར་བ་མེད་པའོ།། བརྩོན་འགྲུས
62a6 དེ་ནི་གང་བྱེད་པ་མེད་ཅིང་བྱེད་པ་དང་བྲལ་བ་མ་ཡིན་པའོ། ། བརྩོན་འགྲུས་དེ་ནི་གང་འདེག་པ་མེད་ཅིང་བཞག་པ་མེད་པའོ།། བརྩོན་འགྲུས་དནི་གང་བླང་བ་མེད་ཅིང་དོར་བ་མེད་པའོ།། བརྩོན
62a7 འགྲུས་དེ་ནི་གང་ལ་བཅིངས་པ་མེད་པ་དང་གྲོལ་བ་མེད་པའོ། ། བརྩོན་འགྲུས་དེ་ནི་གང་ལ་གནོན་པ་མེད་པ་དང་། ཕ་རོལ་གནོད་པ་མེད་པའོ།། བརྩོན་འགྲུས་དེ་ནི་གང་ལ་རྒྱགས་པ་མེད་པ་དང་།
iiif viewer powered by OpenSeadragon
