| e-texts navigator |
| Wylie |
61b1 རྣམས་ལའོ། ། བརྟུལ་བ་ནི་ལམ་ལའོ།། སོ་སོར་རྟོག་པ་ནི་ཞི་གནས་དང་ལྷག་མཐོང་ལའོ།། བསྒྲུབ་པ་ནི་རིག་པ་དང་རྣམ་པར་གྲོལ་བ་ལའོ།། གཞན་ཡང་རྩོམ་པ་ནི་འཇུག་པའི་སྤྱོད་པའོ།།
61b2 བརྟུལ་བ་ནི་དཀར་པོ་རྣམ་པར་མཐོང་བའི་སྤྱོད་པའོ།། སོ་སོར་རྟོག་པ་ནི་སེམས་ཤིན་ཏུ་སྦྱངས་པའོ།། བསྒྲུབ་པ་ནི་ཕྱིར་མི་ལྡོག་པའི་ཡེ་ཤེས་སོ།། བློ་གྲོས་རྒྱ་མཚོ་གཞན་ཡང་བཅོམ་ལྡན་འདས
61b3 དེ་བཞིན་གཤེགས་པ་བརྩོན་འགྲུས་འབར་བ་དེས། བྱང་ཆུབ་སེམས་དཔའ་གོ་ཆ་སྲ་བ་ལ་འདི་སྐད་ཅེས་བཀའ་སྩལ་ཏོ།། རིགས་ཀྱི་བུ་བརྩོན་འགྲུས་དེ་ནི་གང་ལུས་དང་སེམས་ཡོངས
61b4 སུ་སྦྱངས་པའོ། ། བརྩོན་འགྲུས་དེ་ནི་གང་རྒྱུ་དང་ལྟ་བ་དང་བྲལ་བའོ།། བརྩོན་འགྲུས་དེ་ནི་གང་མིང་དང་གཟུགས་ཡོངས་སུ་ཤེས་པའོ།། བརྩོན་འགྲུས་དེ་ནི་གང་ངར་འཛིན་པ་དང་།
61b5 ང་ཡིར་འཛིན་པ་འགོག་པའོ།། བརྩོན་འགྲུས་དེ་ནི་གང་འཛིན་པ་དང་། འཆིང་བ་འདོར་བའོ།། བརྩོན་འགྲུས་དེ་ནི་གང་སྒྲིབ་པ་རྣམས་དང་ཀུན་ནས་ལྡང་བ་རྣམས་རྣམ་པར་སེལ
61b6 བའོ། ། བརྩོན་འགྲུས་དེ་ནི་གང་འགྱོད་པ་དང་ཐེ་ཙོམ་སྤོང་བའོ།། བརྩོན་འགྲུས་དེ་ནི་གང་མདུད་པ་རྣམས་དང་། ཟུག་རྔུ་རྣམས་ཡང་དག་པར་སེལ་བའོ།། བརྩོན་འགྲུས་དེ་ནི་གང
61b7 དམིགས་པ་དང་རྒྱུན་ཆད་པ་ལས་ཤིན་ཏུ་འདའ་བའོ། ། བརྩོན་འགྲུས་དེ་ནི་གང་ང་རྒྱལ་དང་། མངོན་པའི་ང་རྒྱལ་རྣམ་པར་སྤོང་བའོ།། བརྩོན་འགྲུས་དེ་ནི་གང་གཞི་དང་། གནས
iiif viewer powered by OpenSeadragon
