| e-texts navigator |
| Wylie |
61a1 བྱེད་པའོ། ། བརྟུལ་བ་ནི་མཚན་དང་དཔེ་བྱད་བཟང་པོ་ཡོངས་སུ་རྫོགས་པར་བྱེད་པའོ།། སོ་སོར་རྟོག་པ་ནི་དམ་པའི་ཆོས་ཡོངས་སུ་འཛིན་པའོ།། བསྒྲུབ་པ་ནི་སེམས
61a2 ཅན་ཡོངས་སུ་སྨིན་པར་བྱེད་པའོ། ། གཞན་ཡང་རྩོམ་པ་ནི་ཕུང་པོའི་བདུད་ཡོངས་སུ་ཤེས་པའོ།། བརྟུལ་བ་ནི་ཉོན་མོངས་པའི་བདུད་ལས་ཤིན་ཏུ་འདའ་བའོ།། སོ་སོར་རྟོག་པ་ནི་འཆི་བདག
61a3 གི་བདུད་རྣམ་པར་སྤོང་བའོ། ། བསྒྲུབ་པ་ནི་ལྷའི་བུའི་བདུད་ཕམ་པར་བྱེད་པའོ།། གཞན་ཡང་བརྩོམ་པ་ནི་སྡུག་བསྔལ་ཡོངས་སུ་ཤེས་པའོ།། བརྟུལ་བ་ནི་ཀུན་འབྱུང་བ་སྤོང་བའོ།།
61a4 སོ་སོར་རྟོག་པ་ནི་ལམ་སྒོམ་པའོ།། བསྒྲུབ་པ་ནི་འགོག་པ་མངོན་སུམ་དུ་བྱེད་པའོ།། གཞན་ཡང་བརྩོམ་པ་ནི་ལུས་ལ་ཞུགས་པའི་དྲན་པའོ།། བརྟུལ་བ་ནི་ཚོར་བ་ལ་ཞུགས་པའི་དྲན
61a5 པའོ། ། སོ་སོར་རྟོག་པ་ནི་སེམས་ལ་ཞུགས་པའི་དྲན་པའོ།། བསྒྲུབ་པ་ནི་ཆོས་ལ་ཞུགས་པའི་དྲན་པའོ།། གཞན་ཡང་རྩོམ་པ་ནི་དད་པའོ།། བརྟུལ་བ་ནི་བརྩོན་འགྲུས་སོ།། སོ་སོར་རྟོག
61a6 པ་ནི་དྲན་པ་དང་། ཏིང་ངེ་འཛིན་ཏོ།། བསྒྲུབ་པ་ནི་ཤེས་རབ་བོ།། གཞན་ཡང་རྩོམ་པ་ནི་མི་དགེ་བའི་ཆོས་སྤོང་བའོ།། བརྟུལ་བ་ནི་དགེ་བའི་ཆོས་ཡོངས་སུ་རྫོགས་པར་བྱེད་པའོ།།
61a7 སོ་སོར་རྟོག་པ་ནི་ལུས་དང་སེམས་ལས་སུ་རུང་བར་བྱེད་པའོ།། བསྒྲུབ་པ་ནི་མངོན་པར་འདུ་བྱ་བ་མེད་པའི་རྫུ་འཕྲུལ་རབ་ཏུ་ཐོབ་པར་བྱེད་པའོ།། གཞན་ཡང་རྩོམ་པ་ནི་བྱང་ཆུབ་ཀྱི་ཡན་ལག
iiif viewer powered by OpenSeadragon
