| e-texts navigator |
| Wylie |
60b1 ཡེ་ཤེས་རབ་ཏུ་ཐོབ་པའོ། ། གཞན་ཡང་རྩོམ་པ་ནི་དགོན་པ་ལ་གནས་པའོ།། བརྟུལ་བ་ནི་འདུ་འཛི་ལ་མི་དགའ་བའོ།། སོ་སོར་རྟོག་པ་ནི་དབེན་པར་གནས་པ་ལ་དགའ་བའོ།།
60b2 བསྒྲུབ་པ་ནི་ཉོན་མོངས་པ་མེད་པར་གནས་པའོ།། གཞན་ཡང་རྩོམ་པ་ནི་འདོད་པ་ཆུང་བའོ།། བརྟུལ་བ་ནི་ཆོག་ཤེས་པའོ།། སོ་སོར་རྟོག་པ་ནི་དགང་སླུ་བའོ།། བསྒྲུབ་པ་ནི་རུང་བ
60b3 ལ་ཚོད་ཤེས་པའོ། ། གཞན་ཡང་རྩོམ་པ་ནི་ལྷག་པའི་ཚུལ་ཁྲིམས་ལ་སློབ་པའོ།། བརྟུལ་བ་ནི་ཚུལ་ཁྲིམས་མི་ལྷོད་པའོ།། སོ་སོར་རྟོག་པ་ནི་ལྷག་པའི་སེམས་ལ་སློབ་པའོ།། བསྒྲུབ
60b4 པ་ནི་ལྷག་པའི་ཤེས་རབ་ལ་སློབ་པའོ། ། གཞན་ཡང་རྩོམ་པ་ནི་སྦྱིན་པའི་ཕ་རོལ་ཏུ་ཕྱིན་པ་དང་། ཚུལ་ཁྲིམས་ཀྱི་ཕ་རོལ་ཏུ་ཕྱིན་པའོ།། བརྟུལ་བ་ནི་བཟོད་པའི་ཕ་རོལ་ཏུ་ཕྱིན་པ་དང་།
60b5 བརྩོན་འགྲུས་ཀྱི་ཕ་རོལ་ཏུ་ཕྱིན་པའོ།། སོ་སོར་རྟོག་པ་ནི་བསམ་གཏན་གྱི་ཕ་རོལ་ཏུ་ཕྱིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པའོ།། སྒྲུབ་པ་ནི་ཡེ་ཤེས་ཀྱི་ཕ་རོལ་ཏུ་ཕྱིན་པ་དང་། ཐབས
60b6 ལ་མཁས་པའི་ཕ་རོལ་ཏུ་ཕྱིན་པའོ། ། གཞན་ཡང་རྩོམ་པ་ནི་སྦྱིན་པའོ།། བརྟུལ་བ་ནི་སྙན་པ་སྨྲ་བའོ།། སོ་སོར་རྟོག་པ་ནི་དོན་བྱེད་པའོ།། བསྒྲུབ་པ་ནི་དོན་འཐུན་པའོ།། གཞན་ཡང
60b7 རྩོམ་པ་ནི་བྱམས་པ་ཆེན་པོའོ། ། བརྟུལ་བ་ནི་སྙིང་རྗེ་ཆེན་པོའོ།། སོ་སོར་རྟོག་པ་ནི་དགའ་བ་ཆེན་པོའོ།། བསྒྲུབ་པ་ནི་བཏང་སྙོམས་ཆེན་པོའོ།། གཞན་ཡང་རྩོམ་པ་ནི་ཞིང་ཡོངས་སུ་དག་པར
iiif viewer powered by OpenSeadragon
