| e-texts navigator |
| Wylie |
59b1 ལོངས་སྤྱོད་འདི་དག་མི་རྟག་པའོ་སྙམ་པའོ། ། བསྒྲུབ་པ་ནི་བྱིན་ནས་འགྱོད་པ་མེད་པའོ།། གཞན་ཡང་རྩོམ་པ་ནི་ཆོས་ཀྱི་ལོངས་སྤྱོད་ཡོངས་སུ་ཚོལ་བའོ།། བརྟུལ་བ་ནི་ཚོལ་བ་ཡོངས
59b2 སུ་དག་པའོ། ། སོ་སོར་རྟོག་པ་ནི་བདག་གིས་སྙིང་པོ་བླངས་པར་འགྱུར་རོ་སྙམ་པའོ།། བསྒྲུབ་པ་ནི་སྦྱིན་པས་རློམ་སེམས་སུ་མི་བྱེད་པའོ།། གཞན་ཡང་རྩོམ་པ་ནི་འཆལ་བའི་ཚུལ་ཁྲིམས
59b3 ཀྱི་དྲི་མ་སེལ་བའོ། ། བརྟུལ་བ་ནི་ཚུལ་ཁྲིམས་དང་བརྟུལ་ཞུགས་མ་ཉམས་པའོ།། སོ་སོར་རྟོག་པ་ནི་ཚུལ་ཁྲིམས་འཆལ་བའི་སེམས་ཅན་ཡོངས་སུ་སྨིན་པར་བྱེད་པའོ།། བསྒྲུབ་པ་ནི
59b4 ཚུལ་ཁྲིམས་ཀྱི་ཡོན་ཏན་གྱིས་རློམ་སེམས་སུ་མི་བྱེད་པའོ། ། གཞན་ཡང་རྩོམ་པ་ནི་ལུས་ཡོངས་སུ་དག་པའོ།། བརྟུལ་བ་ནི་ངག་ཡོངས་སུ་དག་པའོ།། སོ་སོར་རྟོག་པ་ནི་སེམས་ཡོངས་སུ
59b5 དག་པའོ། ། བསྒྲུབ་པ་ནི་ཆོས་ཡོངས་སུ་དག་པའོ།། གཞན་ཡང་རྩོམ་པ་ནི་གནོད་སེམས་ཀྱི་སེམས་ཀྱི་སྐབས་མེད་པའོ།། བརྟུལ་བ་ནི་བཟོད་པའི་སྟོབས་རྣམས་རྣམ་པར་རིག་པའོ།།
59b6 སོ་སོར་རྟོག་པ་ནི་བདག་དང་གཞན་བསྲུང་བའོ།། བསྒྲུབ་པ་ནི་བཟོད་པས་རློམ་སེམས་སུ་མི་བྱེད་པའོ།། གཞན་ཡང་རྩོམ་པ་ནི་གཤེ་བ་དང་སྡང་བ་དད་པར་བྱེད་པའོ།། བརྟུལ་བ
59b7 ནི་གཤེ་བ་དང་སྡང་བ་འདྲིས་པར་མི་བྱེད་པའོ། ། སོ་སོར་རྟོག་པ་ནི་ནང་ཡོངས་སུ་གདུང་བ་མེད་པར་བྱེད་པའོ།། བསྒྲུབ་པ་ནི་བདག་དང་གཞན་མི་དམིགས་པའོ།། གཞན་ཡང་རྩོམ་པ་ནི་ལེ
iiif viewer powered by OpenSeadragon
