| e-texts navigator |
| Wylie |
59a1 ཅད་སྡུད་པར་འགྱུར་བའི་བརྩོན་འགྲུས་ནི་བཞི་པོ་འདི་དག་སྟེ། བཞི་གང་ཞེ་ན། འདི་ལྟ་སྟེ། རྩོམ་པ་དང་། བརྟུལ་བ་དང་། སོ་སོར་རྟོག་པ་དང་། བསྒྲུབ
59a2 པ་སྟེ། རིགས་ཀྱི་བུ་བརྩོན་འགྲུས་བཞི་པོ་འདི་དག་ནི། བྱང་ཆུབ་སེམས་དཔའ་རྣམས་ཀྱི་དགེ་བའི་ཆོས་ཐམས་ཅད་སྡུད་པར་འགྱུར་བའོ།། དེ་ལ་རྩོམ་པ་ནི་གང་བརྟུལ་བ་ནི་གང་།
59a3 སོ་སོར་རྟོག་པ་ནི་གང་། བསྒྲུབ་པ་ནི་གང་ཞེ་ན། རིགས་ཀྱི་བུ་རྩོམ་པ་ཞེས་བྱ་བ་ནི་བྱང་ཆུབ་ཏུ་སེམས་བསྐྱེད་པའོ།། བརྟུལ་བ་ཞེས་བྱ་བ་ནི་དགེ་བའི་རྩ་བ་ཐམས་ཅད་ཡང་དག་པ་བསྒྲུབ་པའོ།།
59a4 སོ་སོར་རྟོག་པ་ཞེས་བྱ་བ་ནི། སེམས་ཅན་ཐམས་ཅད་ལ་ཕན་པའི་དངོས་པོའོ།། བསྒྲུབ་པ་ཞེས་བྱ་བ་ནི། དེ་བྱེད་པའི་ཆོས་ལ་བཟོད་པའོ།། གཞན་ཡང་རྩོམ་པ་ནི་ཐོས་པ་ཡོངས་སུ་ཚོལ
59a5 བའོ། ། བརྟུལ་བ་ནི་ཐོས་པ་སྟོན་པའོ།། སོ་སོར་རྟོག་པ་ནི་ཚུལ་བཞིན་ཡིད་ལ་བྱེད་པའོ།། བསྒྲུབ་པ་ནི་འཕགས་པའི་ཡང་དག་པའི་ལྟ་བའོ།། གཞན་ཡང་རྩོམ་པ་ནི་སེར་སྣའི་སེམས
59a6 ཚར་གཅད་པའོ། ། བརྟུལ་བ་ནི་བདོག་པ་ཐམས་ཅད་ཡོངས་སུ་གཏོང་བའོ།། སོ་སོར་རྟོག་པ་ནི་སེམས་ཅན་ཐམས་ཅད་དང་ཐུན་མོང་དུ་བྱང་ཆུབ་ཏུ་ཡོངས་སུ་སྔོ་བའོ།། བསྒྲུབ་པ་ནི་རྣམ་པར
59a7 སྨིན་པ་ལ་མི་རེའོ། ། གཞན་ཡང་རྩོམ་པ་ནི་གཏོང་བ་ཆེན་པོ་སྒྲོགས་པའོ།། བརྟུལ་བ་ནི་གང་སློབ་པ་པོ་རྣམས་ལ་དགེ་བའི་བཤེས་གཉེན་དུ་འདུ་ཤེས་པའོ།། སོ་སོར་རྟོགས་པ་ནི། ཀྱེ་མའོ
iiif viewer powered by OpenSeadragon
