| e-texts navigator |
| Wylie |
57b1 ལྡན་འདས་བརྩོན་འགྲུས་འབར་བ་ཞེས་བྱ་བ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན།
57b2 མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ། བླ་ན་མེད་པ། ལྷ་དང་མི་རྣམས་ཀྱི་སྟོན་པ།། སངས་རྒྱས་བཅོམ་ལྡན་འདས་འཇིག་རྟེན་དུ་བྱུང་ངོ་།། ཅིའི་ཕྱིར་བསྐལ་པ་དེ་མེ་ཏོག
57b3 གི་འབྱུང་གནས་ཞེས་བྱ་ཞེ་ན། བློ་གྲོས་རྒྱ་མཚོ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་དེ་ཚིག་སྟེ། ཆུས་འཇིག་པ་བྱུང་བ་ན། པདྨ་ལོ་མ་བྱེ་བ་བརྒྱ་སྟོང་ཕྲག་དུ་མ་དང་ལྡན་པ།
57b4 རྣམ་པར་བཀྲ་བ། བལྟ་ན་སྡུག་པ། བརྒྱད་ཁྲི་བཞི་སྟོང་བྱུང་ནས། དེ་དག་ཐམས་ཅད་ཀྱིས་ཆུའི་ཕུང་པོ་དེ་རྒྱས་པར་བཀང་སྟེ་གནས་སོ།། དེ་གནས་གཙང་མའི་རིས་ཀྱི་ལྷ་དག་གིས་པདྨ
57b5 དེ་དག་མཐོང་ནས་ཚིམ་ཞིང་མགུལ་ཡིད་རངས་ཤིང་རབ་ཏུ་དགའ་སྟེ། དགའ་བ་དང་། ཡིད་བདེ་བ་སྐྱེས་ནས། པདྨ་འདི་དག་བྱུང་བ་ཇི་སྙེད་པ་དེ་སྙེད་ཀྱི་ཡང་དག་པར་རྫོགས་པའི་སངས
57b6 རྒྱས་འཇིག་རྟེན་དུ་འབྱུང་བར་འགྱུར་ཏེ། ཀྱེ་མ་བསྐལ་པ་མེ་ཏོག་གི་འབྱུང་གནས་འདི་ནི། སངས་རྒྱས་བཅོམ་ལྡན་འདས་རྣམས་ཀྱིས་སྟོངས་པར་མི་འགྱུར་རོ་ཞེས་ཆེད་དུ་རྗོད་པ་ཆེད་དུ
57b7 བརྗོད་དོ། ། དེ་ལྟར་ན་མེ་ཏོག་གི་འབྱུང་གནས། མེ་ཏོག་གི་འབྱུང་གནས་ཞེས་བསྐལ་པ་དེའི་མིང་ཆགས་སོ།། བློ་གྲོས་རྒྱ་མཚོ་ཅིའི་ཕྱིར་འཇིག་རྟེན་གྱི་ཁམས་དེ་ཤིན་ཏུ་རྣམ་པར་བལྟས
iiif viewer powered by OpenSeadragon
