| e-texts navigator |
| Wylie |
55a1 བཞིན་དུ་དཀར་པོའི་ཆོས་ཡོངས་སུ་རྫོགས་པའི་བྱང་ཆུབ་སེམས་དཔའ་ཡང་སེམས་ཅན་ཐམས་ཅད་ལ་འདུད་དོ། ། ཤཱ་ར་དྭ་ཏིའི་བུ་འདི་ལྟ་སྟེ། དཔེར་ན། གང་ས་ཆེན
55a2 པོ་འདི་ཚིག་པར་བྱེད་པའི་བསྲེག་པའི་བསྐལ་པའི་མེ་དེ་ནི་གང་ནས་ཀྱང་མི་འོང་ངོ་། ། ཤཱ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའི་ཡེ་ཤེས་ཀྱིས་མེ་གང་གིས་བག་ཆགས་ཀྱི་མཚམས་སྦྱོར
55a3 པབར་གྱུར་པའི་ཉོན་མོངས་པ་རྣམས་བསྲེགས་ནས། བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་དེ་ཡང་གང་ནས་ཀྱང་མི་འོང་ངོ་།། ཤཱ་ར་དྭ་ཏིའི་བུ
55a4 འདི་ལྟ་སྟེ། དཔེར་ན། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཚིག་པ་འམ། མཆིག་པ་ཡང་རུང་སྟེ། ནམ་མཁའི་ངོ་བོ་ཉིད་དོ།། ཤཱ་ར་དྭ་ཏིའི་བུ་དེ་བཞིན་དུ་བྱང་ཆུབ
55a5 སེམས་དཔའ་བྱང་ཆུབ་མངོན་པར་རྫོགས་པར་འཚང་རྒྱ་ཡང་རུང་། མངོན་པར་རྫོགས་པར་འཚང་མི་རྒྱ་ཡང་རུང་སྟེ། ཆོས་ཐམས་ཅད་ནི་བྱང་ཆུབ་ཀྱི་ངོ་བོ་ཉིད་དོ།། ཤཱ་ར་དྭ་ཏིའི་བུ་བྱང་ཆུབ
55a6 སེམས་དཔའ་རྣམས་བསྡུ་བའི་ཕྱིར། དེ་བཞིན་གཤེགས་པས་དཔེ་ཉེ་བར་བཀོད་པ་བསྟན་པ་འདི་དག། བྱང་ཆུབ་སེམས་དཔའ་གང་དག་གིས་ཐོས་ནས་མོས་པར་འགྱུར་བ་དེ་དག་ཐམས་ཅད
55a7 དཔེ་འདི་ལྟ་བུ་གྲུབ་པ་ཉིད་དུ་འགྱུར་རོ། ། བཅོམ་ལྡན་འདས་ཀྱིས་དཔེའི་འཕྲེང་བ་བསྟན་པ་འདི་བཤད་པ་ན། སྲོག་ཆགས་ཉི་ཁྲི་བཞི་སྟོང་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ
iiif viewer powered by OpenSeadragon
