| e-texts navigator |
| Wylie |
53b1 འདི་ལྟ་སྟེ། དབར་ན། ལྷ་མ་ཡིན་གྱི་དབང་པོ་སྒྲ་གཅན་གྱིས་ཉི་མ་དང་། ཟླ་བའི་གཞལ་མེད་ཁང་གི་ལམ་གྱི་རིམ་པ་རྒྱུན་གཅོད་པར་མི་ནུས་སོ།། ཤཱ་ར་དྭ་ཏིའི་བུང་བཞིན་དུ་བདུད་ཐམས་ཅད་ཀྱིས་ཀྱང
53b2 བྱང་ཆུབ་སེམས་དཔའ་བརྩོན་འགྲུས་བརྩམས་པའི་བྱང་ཆུབ་ཀྱི་ལམ་ཀུན་ཏུ་གཅོད་པར་མི་ནུས་སོ། ། ཤཱ་ར་དྭ་ཏིའི་བུ་འདི་ལྟ་སྟེ། དཔེར་ན། གཟུགས་ན་སྤྱོད་པའི་ལྷའི་བུ་རྣམས་ནི་ནམ་མཁའ་ལ
53b3 གཞལ་མེད་ཁང་ན་གནས་སོ། ། ཤཱ་ར་དྭ་ཏིའི་བུ་དེ་བཞིན་དུ་ཟབ་མོ་ལ་སྤྱོད་པའི་བྱང་ཆུབ་སེམས་དཔའ་རྣམས་ལ་ཡང་། ཆོས་ཐམས་ཅད་ནམ་མཁའ་དང་མཚུངས་ཏེ། བླ་ན་མེད་པ་ཡང་དག་པར་རྫོགས
53b4 པའི་བྱང་ཆུབ་ཀྱང་དེ་དང་འདྲ་བ་ཉིད་དང་། ཤཱ་ར་དྭ་ཏིའི་བུ། འདི་ལྟ་སྟེ། དཔེར་ན། སྣོད་དུ་བྱེད་པ་ཇི་སྙེད་པ་དེ་སྙེད་དུ་ནམ་མཁའ་འཇུག་ཀྱང་། ནམ་མཁའ་ནི་བྲི་བ་འམ། གང་བ་མེད་དོ།།
53b5 ཤཱ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའི་ཡོངས་སུ་སྔོ་བའི་སྟོབས་ཇི་སྙེད་པ་དེ་སྙེད་དུ་སངས་རྒྱས་ཀྱི་ཆོས་རྣམས་ཡོངས་སུ་འཛིན་ཀྱང་། སངས་རྒྱས་ཀྱི་ཆོས་རྣམས་ལ་བྲི་བ་འམ། གང་བ་མེད་དོ།།
53b6 ཤཱ་ར་དྭ་ཏིའི་བུ། འདི་ལྟ་སྟེ། དཔེར་ན། སྐྱེས་བུའི་སྟོབས་ཇི་ཙམ་པ་དེ་ཙམ་དུ་ནམ་མཁའ་ལ་མདའ་འཕངས་པ་འགྲོ་ཡང་། ནམ་མཁའ་ལ་མཐའ་ཐུག་པ་གང་ཡང་མེད་དོ།། ཤཱ་ར་དྭ་ཏིའི་བུ
53b7 དེ་བཞིན་དུ་བྱང་ཆུབ་སེམས་དཔའི་དད་པའི་སྟོབས་ཇི་ཙམ་པ་དེ་ཙམ་དུ་སངས་རྒྱས་ཀྱི་ཆོས་རྣམས་ལ་མོས་ཀྱང་སངས་རྒྱས་ཀྱིས་ཆོས་རྣམས་ལ་མཐའ་ཐུག་པ་གང་ཡང་མེད་དོ། ། ཤཱ་ར་དྭ་ཏིའི་བུ་འདི་ལྟ་སྟེ།
iiif viewer powered by OpenSeadragon
