| e-texts navigator |
| Wylie |
51b1 གྱི་སྤྱོད་པ་ཚད་མེད་པ་ཐོས་ནས་ཀྱང་འཇིགས་པར་མི་འགྱུར་རོ། ། ཤཱ་ར་དྭ་ཏིའི་བུ་འདི་ལྟ་སྟེ། དཔེར་ན། མེའི་སྣང་བ་ཆུང་ངུ་ཡང་ཤིང་དང་རྩ་ཐམས་ཅད་ཀྱིས་མི་སྐྲག་སྟེ།
51b2 དེ་འདི་སྙམ་དུ་ཚིག་པར་བྱེད་མི་ནུས་སོ་སྙམ་དུ་མི་སེམས་སོ།། ཤཱ་ར་དྭ་ཏིའི་བུ་དེ་བཞིན་དུ་བྱང་ཆུབ་སེམས་དཔའ་ལས་དང་པོ་པའི་ཤེས་རབ་ཀྱི་སྣང་བ་ཆུང་ངུ་ཡང་། སེམས་ཅན་ཐམས་ཅད
51b3 ཀྱི་ཉོན་མོངས་པ་རྣམས་ཀྱིས་མི་སྐྲག་སྟེ། དེ་འདི་སྙམ་དུ་བདག་གིས་ཉོན་མོངས་པ་ཞི་བར་བྱེད་མི་ནུས་སོ་སྙམ་དུ་མི་སེམས་ཀྱི། སེམས་ཅན་ཐམས་ཅད་ཀྱི་ཉོན་མོངས་པ་དེ་ཉིད་ལ་ཚུལ་བཞིན
51b4 དུ་ངེས་པར་རྟགས་ནས། ཤེས་རབ་ཀྱི་རྒྱུར་འགྱུར་རོ།། ཤཱ་ར་དྭ་ཏིའི་བུ། འདི་ལྟ་སྟེ། དཔེར་ན། ཡོངས་སུ་བརྟག་པ་ཉེ་བར་བཟུང་སྟེ། མེ་དང་། རྩ་དང་། ཤིང་དང་།
51b5 ལོ་མ་དང་། ཡལ་ག་ཐམས་ཅད་འཐབ་ཅིང་རྩོད་པ་ཆེན་པོ་བྱ་བར་བརྩམས་ཏེ། ཉི་མ་བདུན་ན་གཡུལ་ཆེན་པོ་འགྱེད་དོ་སྙམ་ནས། དེ་ན་རྩཝ་དང་ཤིང་དེ་དག་གིས་དེ་ལས་གཞན་པའི་རྩཝ་དང
51b6 ཤིང་ཐམས་ཅད་བསྡུས་ཏེ། ངེད་ཀྱི་དཔུང་གྱིས་ཤིག། ངེད་ཀྱི་གྲོགས་ཀྱིས་ཤིག་ཅེས་བྱས་ནས་དེ་ན་རྩཝ་དང་ཤིང་གི་ཕུང་པོ་རི་ར་བ་ཙམ་བསྡུས་པར་གྱུར་ལ། དེ་ནས་འགའ་ཞིག་མེ་དེའི་གན
51b7 དུ་སོང་སྟེ། འདི་སྐད་ཅེས་སྨྲས་སོ།། ཅིའི་ཕྱིར་ཁྱོད་དཔུང་མི་སྡུད་ཁྱོད་རྩཝ་དང་ཤིང་འདི་དག་ལས་གཅིག་པུས་རྒལ་བར་བྱ་སྙམ་མམ། དེ་ནས་མེ་ངེས་འདི་སྐད་ཅེས་སྨྲས་སོ།། འདིར་བདག
iiif viewer powered by OpenSeadragon
