| e-texts navigator |
| Wylie |
47b1 ཤེས་པ་གང་ཞེ་ན། འདི་ལྟ་སྟེ། འཛིན་པ་མེད་པ་དང་། མཆོག་ཏུ་འཛིན་པ་མེད་པའོ།། གང་འཛིན་པ་མེད་པ་དེ་མཆོག་ཏུ་འཛིན་པར་མི་བྱེད་དོ།། གང་མཆོག་ཏུ་འཛིན་པར་མི
47b2 བྱེད་པ་དེ་ཀུན་ཏུ་རྨོངས་པ་མེད་དོ། ། དེ་ཀུན་ཏུ་རྨོངས་པ་མེད་པས་འདུ་ཤེས་ཡོངས་སུ་ཤེས་སོ།། གསོལ་པ། ཅི་ལགས་འདས་པ་རྣམས་ཀྱི་འམ། མ་འོངས་པ་རྣམས་ཀྱི་འམ། ད་ལྟར
47b3 བྱུང་བ་རྣམས་ཀྱི་འམ། འདུ་ཤེས་གང་ཡོངས་སུ་འཚལ། བཀའ་སྩལ་པ། འདས་པ་རྣམས་ཀྱི་ཡང་མ་ཡིན། མ་འོངས་པ་རྣམས་ཀྱི་ཡང་མ་ཡིན། ད་ལྟར་བྱུང་བ་རྣམས་ཀྱི་ཡང
47b4 མ་ཡིན་ནོ། ། དེ་ཅིའི་ཕྱིར་ཞེ་ན། འདས་པའི་འདུ་ཤེས་ནི་ཟད་པའོ།། མ་འོངས་པ་ནི་མ་ཕྱིན་པའོ།། ད་ལྟར་བྱུང་བའི་འདུ་ཤེས་རྣམས་ནི་གནས་མེད་པ་སྟེ། གང་དུས་གསུམ་དུ་འདུ་ཤེས
47b5 ཡོངས་སུ་འདུ་ཤེས་པའོ། ། དེ་འདུ་ཤེས་ཡོངས་སུ་ཤེས་པ་དང་། ལྡན་པར་བྱང་ཆུབ་སེམས་དཔའ་སྤྱོད་པ་ཡོངས་སུ་དག་པ་སྤྱོད་དོ།། སེམས་ཅན་ཐམས་ཅད་ཀྱི་སྤྱོད་པ་ཡང་རབ་ཏུ་ཤེས་སོ།།
47b6 བློ་གྲོས་རྒྱ་མཚོ་བྱང་ཆུབ་སེམས་དཔའ་ནི་ཇི་སྲིད་དུ་སེམས་ཅན་ཐམས་ཅད་ཀྱི་སྤྱོད་པ་རབ་ཏུ་མི་ཤེས་པ་དེ་སྲིད་དུ་བྱང་ཆུབ་སེམས་དཔའི་སྤྱོད་པ་ཡོངས་སུ་དག་པ་ལ་སྤྱོད་པ་མ་ཡིན་ཏེ། གང་གི
47b7 སེམས་ཅན་ཐམས་ཅད་ཀྱི་སྤྱོད་པ་རབ་ཏུ་ཤེས་པ་དེའི་ཚེ། བྱང་ཆུབ་སེམས་དཔའི་སྤྱོད་པ་ཡོངས་སུ་དག་པ་ལ་སྤྱོད་དོ།། ཇི་ལྟར་དེ་དག་གི་སྤྱོད་པ་རྣམས་རབ་ཏུ་ཤེས་པ་དེ་ལྟར་ཆོས་སྟོན་ཏོ།།
iiif viewer powered by OpenSeadragon
