| e-texts navigator |
| Wylie |
47a1 སེམས་དཔའ་བ་དག་གི་ཀུན་ནས་ལྡང་བ་ཀུན་ནས་ལངས་པར་མི་བྱེད་དོ། ། བདག་གང་ཡིན་པ་དེ་ནི་བདག་མ་ཡིན་ཞིང་བདག་མེད་པ་སྟེ། དེ་ལ་ཆོས་གང་གིས་ཀུན་ནས་ལྡང་བ་ཡང་།།
47a2 མེད་དོ།། དེ་དེ་ལྟར་སོ་སོར་རྟོག་པའི་ཡེ་ཤེས་ཀྱིས་རིག་ནས་གང་གི་ཚེ་སེམས་ཅན་མི་ཤེས་པ་རྣམས་ཀྱི་ཆེད་དུ་ཐེག་པ་ཆེན་པོའི་གོ་ཆ་གྱོན་པ་དེའི་ཚེ། བདག་ཏུ་སྒྲོ་མདོགས་པ་དང་། གཞན་དུ་འགྲོ་འདོགས
47a3 པའི་ཕྱིར་གོ་ཆ་མི་གྱོན་ནོ། ། གོ་ཆ་བགོས་ནས་ཀྱང་ཇི་ལྟར་ན། བདག་གི་གོ་ཆ་འདི་དོན་ཡོད་པར་འགྱུར་སྙམ་དུ་སྤྱོད་དེ། དེ་འདི་སྙམ་དུ་བདག་གི་གོ་ཆ་འདི་ནི་བདག་རྣམ་པར་གཞིག་པའི་ཕྱིར་བགོས་པ་མ
47a4 ཡིན། སེམས་ཅན་དང་། སྲོག་དང་། གསོ་བ་དང་། སྐྱེས་བུ་དང་། གང་ཟག་རྣམ་པར་གཞག་པའི་ཕྱིར་བགོས་པ་མ་ཡིན་གྱི། སེམས་ཅན་དག་གང་ལ་བརྟེན་ནས་བདག་དང་། སེམས་ཅན
47a5 དང་སྲོག་དང་། གསོ་བ་དང་། སྐྱེས་བུ་དང་། གང་ཟག་ཏུ་ལྟ་བ་ལ་གནས་པར་བྱེད་པའི་གནས་དེ་བདག་གིས་སྤང་བར་བྱའོ་སྙམ་དུ་སེམས་སོ།། གནས་དེ་གང་ཞེ་ན། འདི
47a6 ལྟ་སྟེ། ཕྱིན་ཅི་ལོག་ནི་གནས་སོ།། ཕུང་པོ་དང་། ཁམས་དང་། སྐྱེ་མཆེད་ནི་གནས་སོ།། དེ་འདི་ལྟར་སེམས་ཕྱིན་ལོག་ཏུ་གྱུར་ཏེ། མི་རྟག་པ་ལ་རྟག་པར་འདུ་ཤེས་པ། སྡུག་བསྔལ་བ
47a7 ལ་བདེ་བར་འདུ་ཤེས་པ། བདག་མེད་པ་ལ་བདག་ཏུ་འདུ་ཤེས་པ། མི་སྡུག་པ་ལ་སྡུག་པར་འདུ་ཤེས་པ་རྣམས་ལ་འདུ་ཤེས་ཡོངས་སུ་ཤེས་པར་བྱ་བའི་ཕྱིར་ཆོས་སྟོན་ཏེ། དེ་ལ་འདུ་ཤེས་ཡོངས་སུ
iiif viewer powered by OpenSeadragon
