| e-texts navigator |
| Wylie |
45b1 ཡིན་ནོ། ། གང་གི་ཚེ་སེམས་ཅན་ཐམས་ཅད་ལ་སྙིང་རྗེ་ཆེན་པོ་བསྐྱེད་ནས། སེམས་ཅན་ཐམས་ཅད་བསྡུ་བའི་ཕྱིར། རབ་ཏུ་ཐར་པར་བྱ་བའི་བློས་སྦྱིན་པ་བྱིན་ནས་ཐམས་ཅད་མཁྱེན་པ་ཉིད་དུ་ཡོངས་སུ་སྔོ་བར
45b2 བྱེད་པ་དེའི་ཚེ། ལྷའི་བུའི་བདུད་ཚར་གཅོད་པ་ཡིན་ནོ།། བློ་གྲོས་རྒྱ་མཚོ་གཞན་ཡང་བྱང་ཆུབ་སེམས་དཔའ་སྲིད་པར་འགྲོ་བའི་སྐྱེ་བ་ལ་མངོན་པར་འདོད་པ་མེད་པར་ཚུལ་ཁྲིམས་བསྲུངས་པས་ཕུང་པོའི
45b3 བདུད་ཚར་གཅོད་དོ། ། བདག་མེད་པར་ལྟ་བ་ལ་གནས་ཏེ། ཚུལ་ཁྲིམས་བསྲུངས་པས་ཉོན་མོངས་པའི་བདུད་ཚར་བཅད་དོ།། ཚུལ་ཁྲིམས་ཡོངས་སུ་དག་ཏེ། རྒ་ཤི་ལས་བཟླ་བའི་ཕྱིར་ཚུལ
45b4 ཁྲིམས་བསྲུངས་པས་འཆི་བདག་གི་བདུད་ཚར་གཅོད་དོ། ། བདག་གིས་ཚུལ་ཁྲིམས་འཆལ་པའི་སེམས་ཅན་རྣམས་འཕགས་པའི་ཚུལ་ཁྲིམས་ལ་རབ་ཏུ་འགོད་པར་བྱའོ་སྙམ་སྟེ། ཚུལ་ཁྲིམས
45b5 བསྲུངས་པས་ལྷའི་བུའི་བདུད་ཚར་གཅོད་དོ། ། བློ་གྲོས་རྒྱ་མཚོ་གཞན་ཡང་བྱང་ཆུབ་སེམས་དཔའ་བདག་མི་དམིགས་པར་བཟོད་པ་སྒོམ་པས་ཕུང་པོའི་བདུད་ཚར་གཅོད་དོ།། སེམས་ཅན་མི་དམིགས
45b6 པར་བཟོད་པ་བསྒོམས་པས་ཉོན་མོངས་པའི་བདུད་ཚར་གཅོད་དོ། ། འཁོར་བ་མི་དམིགས་པར་བཟོད་པ་བསྒོམས་པས་འཆི་བདག་གི་བདུད་ཚར་གཅོད་དོ།། མྱ་ངན་ལས་འདས་པ་མི་དམིགས་པར
45b7 བཟོད་པ་བསྒོམས་པས་ལྷའི་བུའི་བདུད་ཚར་གཅོད་དོ། ། བློ་གྲོས་རྒྱ་མཚོ་གཞན་ཡང་བྱང་ཆུབ་སེམས་དཔའ་ལུས་དབེན་པར་བརྩོན་འགྲུས་རྩོམ་པས་ཕུང་པོའི་བདུད་ལས་ཤིན་ཏུ་འདའོ།། སེམས
iiif viewer powered by OpenSeadragon
