| e-texts navigator |
| Wylie |
45a1 བཏགས་པ་ཐམས་ཅད་འགོག་པར་འགྱུར་བའི་ལམ་གྱིས་ལྷའི་བུའི་བདུད་འཇོམ་མོ། ། གཞན་ཡང་སྡུག་བསྔལ་ཡོངས་སུ་ཤེས་པས་ཕུང་པོའི་བདུད་འཇོམ་མོ།། ཀུན་འབྱུང
45a2 བ་སྤོང་བས་ཉོན་མོངས་པའི་བདུད་འཇོམ་མོ། ། འགོག་པ་མངོན་སུམ་དུ་བྱེད་པས་འཆི་བདག་གི་བདུད་འཇོམ་མོ།། ལམ་བསྒོམ་པས་ལྷའི་བུའི་བདུད་འཇོམ་མོ།། གཞན་ཡང་འདུ་བྱེད་ཐམས་ཅད
45a3 ལ་སྡུག་བསྔལ་དུ་སོ་སོར་རྟོགས་པས་ཕུང་པོའི་བདུད་འཇོམ་མོ། ། འདུ་བྱེད་ཐམས་ཅད་ལ་མི་རྟག་པར་སོ་སོར་རྟོག་པས་ཉོན་མོངས་པའི་བདུད་འཇོམ་མོ།། ཆོས་ཐམས་ཅད་ལ་བདག་མེད་པར་སོ་སོར་རྟོག
45a4 པས་འཆི་བདག་གི་བདུད་འཇོམ་མོ། ། མྱ་ངན་ལས་འདས་པ་ལ་ཞི་བར་སོ་སོར་རྟོག་པས་ལྷའི་བུའི་བདུད་འཇོམ་མོ།། བློ་གྲོས་རྒྱ་མཚོ་གཞན་ཡང་གང་གིས་ཚེ་བྱང་ཆུབ་སེམས་དཔའ་ནང་གི
45a5 ཉོན་མོངས་པའི་དྲི་མ་སྤངས་ཏེ། བྱང་ཆུབ་ཀྱི་སེམས་མ་བརྗེད་པ་སྦྱིན་པ་བྱིན་ནས། ཐམས་ཅད་མཁྱེན་པ་ཉིད་དུ་ཡོངས་སུ་སྔོ་བར་བྱེད་པ་དེའི་ཚེ། ཕུང་པོའི་བདུད་ཚར་གཅོད་པ་ཡིན་ནོ།། གང་གི་ཚེ།།
45a6 ལུས་ལ་མི་ལྟ་ཞིང་ལུས་ལ་མ་ཆགས་པར་སྦྱིན་པ་བྱིན་ནས། ཐམས་ཅད་མཁྱེན་པ་ཉིད་དུ་ཡོངས་སུ་སྔོ་བར་བྱེད་པ་དེའི་ཚེ། ཉོན་མོངས་པའི་བདུད་ཚར་ཆོད་པ་ཡིན་ནོ།། གང་གི་ཚེ་ཀྱེ་མ་ལོངས་སྤྱོད་འདི་དག
45a7 ནི་མི་རྟག་པ་ཐུན་མོང་བ་སྟེ། དེ་དག་ལས་བདག་གིས་སྙིང་པོ་བླངས་པར་འགྱུར་རོ་སྙམ་སྟེ། སྦྱིན་པ་བྱིན་ནས་ཐམས་ཅད་མཁྱེན་པ་ཉིད་དུ་ཡོངས་སུ་སྔོ་བར་བྱེད་པ་དེའི་ཚེ། འཆི་བདག་གི་བདུད་ཚར་ཆོད་པ
iiif viewer powered by OpenSeadragon
