| e-texts navigator |
| Wylie |
44b1 ངེ་འཛིན་འདི་ཐོབ་པར་འགྱུར་རོ། ། དེ་དག་ནི་ཐེག་པ་ཆེན་པོ་འདིར་ངེས་པར་བྱས་པ་དག་གོ།། དེ་དག་ནི་ཆོས་ཀྱི་གྲུ་ཆེན་པོ་ཡང་དག་པར་སྦྱོར་བ་དག་གོ།། དེ་དག་ནི་སེམས་ཅན་ཚད་མེད་པ་དག་འཁོར་བའི་ཆུ་བོ
44b2 ཆེན་པོ་ལས་སྒྲོལ་བར་འགྱུར་བ་དག་གོ། ། དེ་དག་ནི་ཡང་བདུད་ཀྱི་ཡུལ་དུ་བརྗོད་པ་མ་ཡིན་པ་དག་གོ།། སྐྱེས་བུ་དམ་པ་དེ་དག་ནི་བདུད་དང་ཕྱིར་རྒོལ་བ་བཅོམ་པ་དག་གོ།། ཏིང་ངེ་འཛིན་བསྟན་པའི་ལེའུ།
44b3 སྟེ་གསུམ་པའོ།། །། དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་རྒྱ་མཚོས་འདི་སྐད་ཅེས་གསོལ་ཏོ།། བཅོམ་ལྡན་འདས་ཇི་ལྟར་ན་བྱང་ཆུབ་སེམས
44b4 དཔའ་བདུད་དང་ཕྱིར་རྒོལ་བ་བཅོམ་པ་ལགས། བཅོམ་ལྡན་འདས་ཀྱིས་བཀའ་སྩལ་པ། བློ་གྲོས་རྒྱ་མཚོ་གང་གི་ཚེ་བྱང་ཆུབ་སེམས་དཔའ་སེམས་དཔའ་ཆེན་པོ་ཡོངས་སུ་འཛིན་པ་ཐམས་ཅད་དོན་ཏུ་མི་གཉེར་བ་དེའི་ཚེ
44b5 བདུད་ཕྱིར་རྒོལ་བ་བཅོམ་པ་ཡིན་ནོ། ། གང་གི་ཚེ་མཚན་མ་དང་། དམིགས་པ་ཐམས་ཅད་དོན་ཏུ་མི་གཉེར་བ་དེའི་ཚེ། བདུད་ཕྱིར་རྒོལ་བ་བཅོམ་པ་ཡིན་ནོ།། བློ་གྲོས་རྒྱ་མཚོ་བདུད་ནི་བཞི་པོ་འདི་དག་སྟེ། བཞི་གང
44b6 ཞེ་ན། ཕུང་པོའི་བདུད་དང་། ཉོན་མོངས་པའི་བདུད་དང་། འཆི་བ་དག་གི་བདུད་དང་། ལྷའི་བུའི་བདུད་དེ། བཞི་པོ་འདི་དག་ནི་བདུད་དོ།། དེ་ལ་སྒྱུ་མའི་ཆོས་སུ་སོ་སོར་རྟོག་པས་ཕུང་པོའི་བདུད་འཇོམ
44b7 མོ། ། སྟོང་པ་ཉིད་ངེས་པར་སེམས་པ་ལ་སོ་སོར་རྟོག་པས་ཉོན་མོངས་པའི་བདུད་འཇོམ་མོ།། སྐྱེ་བ་མེད་པ་དང་འབྱུང་བ་མེད་པར་སོ་སོར་རྟོགས་པས་འཆི་བདག་གི་བདུད་འཇོམ་མོ།། ང་རྒྱལ་གྱིས་སྒོ
iiif viewer powered by OpenSeadragon
