| e-texts navigator |
| Wylie |
44a1 དེ་མངོན་པར་རློམ་སེམས་སུ་མི་བྱེད་དོ། ། གང་མངོན་པར་རློམ་སེམས་སུ་མི་བྱེད་པ་དེ་མི་རྩོད་དོ།། བང་མི་བརྩོད་པ་དེ་ཀུན་ཏུ་མི་འབར་རོ།། གང་ཀུན་ཏུ་མི་འབར་བ་དེ
44a2 ཀུན་ཏུ་གདུང་བ་མ་ཡིན་ནོ། ། གང་ཀུན་ཏུ་གདུང་བ་མ་ཡིན་པ་དེ་རབ་ཏུ་འབར་བ་མ་ཡིན་ནོ།། གང་རབ་ཏུ་འབར་བ་མ་ཡིན་པ་དེ་ཞི་བའོ།། ཞི་བ་གང་ཡིན་པ་དེ་རབ་ཏུ་ཞི་བའོ།། རབ་ཏུ་ཞི་བ
44a3 གང་ཡིན་པ་དེ་ཉེ་བར་ཞི་བའོ། ། ཉེ་བར་ཞི་བ་གང་ཡིན་པ་དེ་ཐུབ་པ་ཞེས་བྱའོ།། སྟོན་པ་ཞེས་བྱའོ།། བློ་གྲོས་རྒྱ་མཚོ་ཆོས་འདི་དག་ནི་འདི་ལྟར་ཟབ་པའོ།། འདི་ལྟར་བལྟ
44a4 དཀའ་བའོ། ། འདི་ལྟར་རྟོགས་པར་དཀའ་བའོ།། གང་དག་གིས་ཆོས་འདི་དག་ཐོས་ནས་མོས་པར་བྱེད་པ་དེ་དག་ཐམས་ཅད་ཕྱིན་ཅི་ལོག་པ་དང་། ཉེ་བའི་ཉོན་མོངས་པ་དང་། ཡོངས་སུ
44a5 འཛིན་པ་དང་། ། འཆིང་བ་ཐམས་ཅད་ལས་རྣམ་པར་གྲོལ་ཏེ། དེ་དག་ནི་འདས་པ་དང་། མ་འོངས་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱི་ཆོས་ཀྱི་མཛོད་འཛིན་པ
44a6 དག་གོ། ། དེ་དང་དེ་དག་ནི་དེད་དཔོན་ཆེན་པོ་སྟེ། སེམས་ཅན་ཐམས་ཅད་ལ་ལམ་ཚད་མེད་པ་སྟོན་པ་དག་གོ།། དེ་དང་དེ་དག་ནི་སྨན་པའི་རྒྱལ་པོ་སྟེ། ཉོན་མོངས་པ་གཟུགས་ཅན་མ་ཡིན་པའི་ནད
44a7 ལས་རབ་ཏུ་ཐར་པར་བྱེད་པ་དག་གོ། ། དེ་དང་དེ་དག་ནི་མཆོད་པ་མཆོག་གིས་དེ་བཞིན་གཤེགས་པ་ལ་མཆོད་པ་བྱེད་པ་དང་ངག་སྟེ། དེ་དག་ནི་རིང་པོ་མི་ཐོགས་པ་ཤིན་ཏུ་དཀར་བ་དྲི་མ་མེད་པའི་ཕྱག་རྒྱའི་ཏིང
iiif viewer powered by OpenSeadragon
