| e-texts navigator |
| Wylie |
40a1 དེ་ཡི་ཡིད་ལས་རྟག་ཏུ་བསྒྲིབས་མེད་ལེགས་པར་བྱས། ། སེམས་ཀྱིས་སྐད་ཅིག་གཅིག་གིས་འགྲོ་བའི་སེམས་རྣམས་ཤེས།། དེ་ནི་གཡེང་མེད་ཏིང་ངེ་འཛིན་ལས་ཉམས་པ་མེད།།
40a2 ཁྱུ་མཆོག་དེ་ཡི་རྒྱུ་བ་བདུད་ཀྱིས་ཤེས་མ་ཡིན།། དེ་ཡི་སེམས་ཡིད་རྣམ་རྟོག་ཤིན་ཏུ་ཟབ་པ་སྟེ།། རང་རྒྱལ་རྣམས་དང་ཉན་ཐོས་ཀུན་གྱིས་ཤེས་པར་དཀའ།། བདག་དང་གཞན་ལ་རྣམ་པར་མི་འཚེ
40a3 རྗེས་ཆགས་མེད། ། ཁོང་ཁྲོ་མེད་ཅིང་ཁེངས་པ་མེད་དེ་མཉམ་པའི་བློ།། མཁས་པ་དེ་ནི་འགྲོ་ལ་རིག་བཞིན་ཤེས་པ་འཇུག། ཚོར་བ་མ་ཡིན་སེམས་པ་མ་ཡིན་རྣམ་རྟོག་མིན།། འཆི་མེད་དོན་ཏུ་བྱང
40a4 ཆུབ་གནས་སུ་ཕྱིན་པར་དུ། ། ཚོར་བ་འགོག་ལ་བདེ་བར་རྟོགས་པར་བྱེད་མ་ཡིན།། ཆོས་བཅུ་དེ་དག་གང་ལ་རྟག་ཏུ་དག་གྱུར་པ།། ཁྱུ་མཆོག་དེ་ལ་ཏིང་འཛིན་འདི་ནི་མངོན་ཏུ་འགྱུར།། གང
40a5 ཚེ་འཇུག་པའི་སྤྱོད་པ་རྣམ་པར་སྦྱངས་གྱུར་པ། ། དཀར་པོའི་ལམ་རྣམས་ཀུན་གྱིས་འཕགས་ཤིང་ཡོངས་སུ་དག། ས་རྣམས་ཇི་བཞིན་ཕ་རོལ་ཕྱིན་པ་ཀུན་སྦྱངས་ཏེ།། དགེ་བ་རྒྱ་ཆེན་ཐམས་ཅད
40a6 ཀྱིས་ནི་མངོན་པར་འཕགས། ། བསོད་ནམས་འབྲས་བུས་མཚན་ཀུན་ཤིན་ཏུ་རྣམ་པར་དག། སྤོབས་པས་ཀྱང་ནི་གཟུངས་རྣམས་མཐའ་ཐུག་མེད་པར་འགྱུར།། མཁས་པ་རྟག་ཏུ་ཐོས་པའི་ཆོས
40a7 རྣམས་བསྒྲུབས་པར་གནས། ། མཁས་པ་རྟག་ཏུ་དྲན་ལ་མཉམ་གཞག་འཁྲུལ་པ་མེད།། དེ་ལ་ཀུན་ནས་ལྡང་བ་རྣམས་དང་འཁྲུལ་པ་ནི།། ཕྲ་རབ་མཐོང་བར་མི་ནུས་སྒྲིབ་ཀུན་རྣམ་པར་དག། བྱང་ཆུབ
iiif viewer powered by OpenSeadragon
