| e-texts navigator |
| Wylie |
39a1 དེ་དག་ལ་ཡང་གུས་བཅས་འདུད་ཅིང་རབ་ཏུ་འདུད།། བདག་ནི་ཆོས་འཛིན་གྱུར་ཅིག་སྙམ་སྟེ་ང་རྒྱལ་མེད།། ཆོས་མཉན་དེས་ནི་བྱང་ཆུབ་དམ་པ་ཐོབ་པར་འགྱུར།། དེ་ཡིས་རང་གི
39a2 ལུས་ཀྱི་ཆོས་ཉིད་ཤེས་ནས་ནི། ། དེ་ཡིས་སེམས་ཅན་ཀུན་ལུས་དེ་ལྟར་རྟོགས་པས་ན།། དེ་ནི་ཆོས་ལུས་རྡུལ་དང་བྲལ་བ་ཐོབ་གྱུར་ཏེ།། ཟང་ཟིང་ལུས་མིན་ཉོན་མོངས་རྣམས་ལས་ཤིན་ཏུ་གྲོལ།། རྟག
39a3 ཏུ་ཏིང་འཛིན་སྤྱོད་ཡུལ་བསམ་གཏན་ཟས་ཅན་འགྱུར། ། གཟི་བརྗིད་ཆེན་པོ་ལ་ནི་ཟང་ཟིང་ལུས་མི་སྲིད།། སེམས་ཅན་དོན་དུ་ཁ་ཟས་ཟ་ཡི་སྟོབས་ཕྱིར་མིན།། འཆི་མེད་དོན་ཏུ་དེ་ནི་ཆོས་ཀྱི་སྲོག་ཀྱང
39a4 འཚོ། ། འཕགས་པའི་ཚུལ་ནི་རྟག་སྲུང་ཤིན་ཏུ་རབ་ཏུ་ཞི།། འདོད་ཆགས་ཞེ་སྡང་མུན་ཚོགས་ཤིན་ཏུ་རྣམ་པར་ཕྱེ།། བསླབ་པ་སྦེད་པར་གནས་ཤིང་རྒོད་མེད་འཐུན་པར་སྐྱེས། མཁས་པ་བདག
39a5 གཏོང་བྱེད་ཀྱི་སྡིག་པ་བྱེད་མ་ཡིན། ། རྫུ་འཕྲུལ་གྱིས་ནི་བྱེ་བ་ཕྲག་མང་ཞིང་སོང་ནས།། སེམས་ཅན་ལུས་དང་འཐུན་པར་བྱས་ཏེ་ཆོས་ཀྱང་སྟོན།། འགྲོ་བའི་གཟུགས་དང་མཚན་དང་རྟགས་ནི་ཅི་འདྲ
39a6 བ། ། དེ་ཡི་ལུས་ནི་དེ་ལྟ་བུ་དང་མཚུངས་པར་འགྱུར།། དེ་ཡི་ལུས་ལས་ཤིན་ཏུ་རྣམ་དག་འོད་བྱུང་སྟེ།། དེས་ནི་ཕྱོགས་བཅུ་མཐའ་ཡས་ཞིང་རྣམས་ཁྱབ་པར་བྱེད།། དེ་ཡི་འོད་དེ་བསོད་ནམས
39a7 གཟི་ལྡན་རེག་ན་འཇམ། ། སྲོག་ཆགས་ཉོན་མོངས་གདུང་བ་ཐམས་ཅད་ཞི་བར་བྱེད།། སེམས་དམྱལ་རྣམས་ནི་སེམས་ཅན་བརྒྱ་དག་སྡུག་བསྔལ་བ།། དེ་དག་འོད་ཀྱིས་རེག་མ་ཐག་ཏུ་བདེ་བར་འགྱུར།
iiif viewer powered by OpenSeadragon
