| e-texts navigator |
| Wylie |
38b1 སུ་བཅད་པ་འདི་དག་གསུངས་སོ། ། ཆོས་འདི་དྲི་མེད་དག་དགེ་རང་བཞིན་འོད་གསལ་ཏེ།། ནམ་མཁའ་མཚུངས་ཤིང་མཉམ་ལ་གདོད་ནས་བྱུང་བ་མེད།། མ་སྐྱེས་མ་བྱུང་གནས་པ་མེད་ཅིང་འགགས
38b2 པ་མེད། ། འདི་ནི་རྒྱལ་བའི་ཕྱག་རྒྱ་དྲི་མེད་གཡོ་བ་མེད།། དེ་ཡི་རྩ་བའི་གནས་ནི་དབྱེ་བ་མེད་པའི་གཟུངས།། བྱམས་པ་དང་ནི་སྙིང་རྗེ་བསྒོམ་པ་ཟུང་དུ་འབྲེལ།། དེ་ནས་འགྲོ་བ་ཀུན་གྱིས་བཀུར་ཀྱང་དཔའ
38b3 བ་མེད། ། བསྟི་སྟང་མ་བྱས་ཡི་ཚད་མེད་དེ་མཉམ་པའི་བློ།། དེ་ནི་མཉམ་པའི་ཆོས་ལས་ཡེ་ཤེས་སྐྱེས་གྱུར་ནས། གཏི་མུག་མུན་པ་ཐམས་ཅད་བཅོམ་སྟེ་རྨོངས་པ་མེད།། ཡེ་ཤེས་ལྡན་པ་ཡིན་གྱི
38b4 ང་རྒྱལ་ལྡན་མ་ཡིན། ངེས་བསམ་མཉམ་ཆོས་ཤེས་ནས་ཤིན་ཏུ་རྣམ་པར་དག། མཁས་པ་ལུས་ངག་ཡིད་ཀྱི་ལས་ནི་གང་བྱེད་པ།། ཐམས་ཅད་ཤེས་པས་བྱས་ཏེ་འགྲོ་ལ་བདེ་བ་བྱེད།། དེ་ལུས་རྣམ
38b5 པར་དག་པ་སེམས་ཅན་མང་པོས་མཐོང་། ། རྒྱལ་བའི་ཡེ་ཤེས་རྡུལ་མེད་བླ་ན་མེད་ལ་སྨོན།། དེ་ཡི་སྤྱོད་ལམ་རྟག་ཏུ་བསྡམས་ཏེ་འཁྲུལ་པ་མེད།། ལྷུན་གྱིས་གྲུབ་སྟེ་ཐ་མར་མི་རྟོག་རྣམ་རྟོག་མེད།། ལུས།
38b6 ཀྱི་ཉེས་པ་མཐའ་ཡས་ཇི་ཙམ་གང་བརྗོད་པ།། དེ་དག་དེ་ལ་ཆད་དེ་གདོང་ནས་སྐྱེས་པ་མེད།། དེ་ལུས་མཚན་གྱིས་བརྒྱན་ཏེ་ཤིན་ཏུ་རྣམ་པར་བྱ།། དེ་ཡི་རྐང་མཐིལ་འཇམ་ཞིང་བསོད་ནམས་རྣམས་ལས
38b7 བྱུང་། ། དབང་པོ་ཐམས་ཅད་ཡོངས་སུ་རྫོགས་པས་ལུས་མཛེས་ཀྱང་།། མཁས་པ་གཟུགས་ཀྱིས་རྒྱགས་པས་རློམ་སེམས་བྱེད་པ་མེད།། དམན་ཞིང་དབུལ་བས་སྡུག་བསྔལ་སེམས་ཅན་མང་པོ་གང་།།
iiif viewer powered by OpenSeadragon
