| e-texts navigator |
| Wylie |
36b1 ཀྱི་ཕྱོགས་ཀྱི་ཆོས་ཤེས་པ་ཤིན་ཏུ་དཀར་བ་ཡིན། སེམས་དང་། ཡིད་དང་། རྣམ་པར་ཤེས་པ་ཡོངས་སུ་དག་པས། ཞི་གནས་དང་ལྷག་མཐོང་ཤེས་པ་ཤིན་ཏུ་དཀར་བ་ཡིན། ཕྱོགས་དང་།།
36b2 མི་མཐུན་པའི་ཕྱོགས་དང་། རྒྱུན་ཆད་པ་དང་། ཆགས་པ་ལས་ཤིན་ཏུ་འདས་པ་ཡོངས་སུ་དག་པས་ས་བཅུ་གནོན་པའི་ཡེ་ཤེས་ཤིན་ཏུ་དཀར་བ་ཡིན། མི་དགེ་བའི་ཆོས་ཐམས་ཅད་སྤང་བའི་ཕྱིར
36b3 དགེ་བའི་ཆོས་ཐམས་ཅད་ཡོངས་སུ་དག་པས། བྱང་ཆུབ་ཀྱི་སྙིང་པོའི་རྒྱན་གྱི་ཡེ་ཤེས་ཤིན་ཏུ་དཀར་བ་ཡིན་ཏེ། བློ་གྲོས་རྒྱ་མཚོ་ཆོས་བཅུ་པོ་དེ་དག་ཤིན་ཏུ་དཀར་བ་ཡིན་པའི་ཕྱིར་ཏིང་ངེ་འཛིན་འདི་ཤིན་ཏུ
36b4 དཀར་བ་ཞེས་བྱའོ། ། །། བམ་པོ་གསུམ་པ། བློ་གྲོས་རྒྱ་མཚོ་ཅིའི་ཕྱིར་དྲི་མ་མེད་པའི་ཕྱག་རྒྱ་ཞེས་བྱ་ཞེ་ན། བློ་གྲོས་རྒྱ་མཚོ་ཉི་ཤུ་པོ་འདི་དག་ནི་དྲི་མ་མེད་པ
36b5 ཕྱག་རྒྱའི་སྒོ་ཡིན་ཏེ། དེ་དག་གིས་ན་ཏིང་ངེ་འཛིན་འདི་དྲི་མ་མེད་པའི་ཕྱག་རྒྱ་ཞེས་བྱའོ།། ཉི་ཤུ་པོ་དེ་དག་གང་ཞེ་ན། འདི་ལྟ་སྟེ། ངར་འཛིན་པ་ཡོངས་སུ་དག་པས་ནང་ཡོངས་སུ་དག
36b6 པ་དྲི་མ་མེད་པའི་ཕྱག་རྒྱ་དང་། ང་ཡིར་འཛིན་པ་ཡོངས་སུ་དག་པས་ཕྱི་ཡོངས་སུ་དག་པ་དྲི་མ་མེད་པའི་ཕྱག་རྒྱ་དང་། ལྟ་བར་སོང་བ་ཐམས་ཅད་ཡོངས་སུ་དག་པས་འཇིག་ཚོགས་ཀྱི་ངོ་བོ་ཉིད་ཡོངས་སུ
36b7 དག་པ་དྲི་མ་མེད་པའི་ཕྱག་རྒྱ་དང་། གདོད་མ་ནས་ཡོངས་སུ་དག་པའི་ཕྱིར། སེམས་ཅན་ཐམས་ཅད་བདག་མེད་པ་ཡོངས་སུ་དག་པ་དྲི་མ་མེད་པའི་ཕྱག་རྒྱ་དང་། རོ་གཅིག་པའི་ཕྱིར་ཆོས་ཐམས་ཅད
iiif viewer powered by OpenSeadragon
