| e-texts navigator |
| Wylie |
32b1 སེམས་ཅན་ཐམས་ཅད་ཀྱི་བསྟི་སྟང་དུ་མ་བྱས་ཀྱང་བཏུད་པར་མི་འགྱུར་རོ།། ཁེངས་པ་མེད་པ་དང་འདུད་བ་མེད་པ་དེ་ནི་ཤེས་པ་ལས་ངེས་པར་བྱུང་བ་ཡིན་གྱིས། ང་རྒྱལ་ལས་ངེས་པར་བྱུང་བ་ནི་མ་ཡིན་ནོ།།
32b2 ཁེངས་པ་མེད་པ་དང་། འདུད་པ་མེད་པ་དེ་ནི་ཆོས་དང་ལྡན་པ་ཡིན་གྱི། གཏི་མུག་དང་ལྡན་པ་མ་ཡིན་ནོ།། ཆོས་ཐམས་ཅད་ཤེས་པ་ལས་ངེས་པར་བྱུང་བས་ཡེ་ཤེས་སྔོན་དུ་འགྲོ་བའི་ལུས་ཀྱི་ལས་དང
32b3 ལྡན་པ་ཡིན། ཡེ་ཤེས་སྔོན་དུ་འགྲོ་བའི་ངག་གི་ལས་དང་ལྡན་པ་ཡིན། ཡེ་ཤེས་སྔོན་དུ་འགྲོ་བའི་ཡིད་ཀྱི་ལས་དང་ལྡན་པ་ཡིན་ཏེ། དེ་ལུས་སམ། ངག་གམ་ཡིད་ཀྱི་ལས་གང་བྱེད་ཀྱང་། དེ་ཐམས
32b4 ཅད་ཡེ་ཤེས་སྔོན་དུ་འགྲོ་ཞིང་། ཡེ་ཤེས་ཀྱི་རྗེས་སུ་འདྲང་ངོ་།། དེ་ལ་བྱང་ཆུབ་སེམས་དཔའ་ལུས་ཀྱི་ལས་ཡེ་ཤེས་སྔོན་དུ་འགྲོ་བ་གང་ཞེ་ན། གང་གཟུགས་ཀྱི་ལས་ཀུན་ཏུ་བསྟན་པས
32b5 སེམས་ཅན་རྣམས་ཡོངས་སུ་སྨིན་པར་བྱེད། འདུལ་བར་བྱེད་དོ།། སྤྱོད་ལམ་ཇི་ལྟ་བུས་སེམས་ཅན་རྣམས་འདུལ་བར་འགྱུར་བ་དེ་ལྟ་བུ་ཉིད་དུ་དེའི་སྤྱོད་ལམ་ལྷུན་གྱིས་གྲུབ་ཅིང་ཡོངས་སུ་མ་བརྟགས་པ
32b6 མེད་པར་ཀུན་ཏུ་གནས་སོ། ། ལུས་ཀྱི་སྐྱོན་དང་། ལུས་ལ་ཆགས་པ་དང་། ལུས་ཀྱི་ཚུལ་འཆོས་པ་དང་། ལུས་ཀྱི་འཁྲུགས་པ་དང་། ལུས་ཀྱི་ཡོངས་སུ་རྟོག་པ་གང་ཡིན་པ་དེ་དག་བྱང་ཆུབ་སེམས
32b7 དཔའ་དེས་ཡང་དག་པར་བཅོམ་པ་ཡིན་ཏེ། ཤིང་ཏ་ལའི་མགོ་བཅད་པ་བཞིན་དུ་རྩ་བ་ནས་ཆད་ནས་མ་འོངས་པ་ན་མི་སྐྱེ་བའི་ཆོས་ཅན་དུ་འགྱུར་རོ།། དེ་ལུས་ཡོངས་སུ་དག་པ་ཡིན་ཏེ། ལུས་མཚན་གྱིས
iiif viewer powered by OpenSeadragon
