| e-texts navigator |
| Wylie |
32a1 ནས་རྣམ་དག་དོན། ། བྱམས་པ་ཞེས་ནི་བརྗོད་པ་ཡིན།། སྙིང་རྗེ་ནམ་མཁའ་འདྲ་བ་སྟེ།། དགའ་བ་སྐྱོང་བ་དགའ་བ་ཡིན།། རྩོམ་པ་ཐམས་ཅད་རྒྱུན་ཆད་པ།། བཏང་།
32a2 སྙོམས་ཤེས་ནི་རབ་ཏུ་བསྟན།། འཁོར་གསུམ་ཡོངས་སུ་ཆད་པར་ནི།། ཆོས་རྣམས་ཐམས་ཅད་རབ་ཏུ་ཤེས།། ཆོས་རྣམས་ངེས་པར་འབིག་འདི་ནི།། ལྟ་བའི་མདུད་པ་གཅོད་པ་ཡིན།། བསམ
32a3 གཏན་ཤེས་རབ་གང་ཡིན་པ། ། དེར་ནི་ངེས་པར་འབིགས་པ་བསྟན།། ཚད་མེད་པ་ལ་འཇུག་པ་ནི།། ཆོས་ཤེས་པ་ཞེས་བརྗོད་པ་ཡིན།། གནོད་པ་བཟོད་པ་དང་ངེས་པར་འབིགས་པའི་ལེའུ་སྟེ་གཉིས
32a4 པའོ། ། །། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་བློ་གྲོས་རྒྱ་མཚོ་ལ་བཀའ་སྩལ་པ། བློ་གྲོས་རྒྱ་མཚོ་དེ་ལྟར་ན་གང་གི་ཚེ། བྱང་ཆུབ་སེམས
32a5 དཔའ་སེམས་དཔའ་ཆེན་པོ་དག་པ་དང་། ཡོངས་སུ་དག་པར་འགྱུར་ཏེ། བསམ་པ་བཅོས་མ་མ་ཡིན་ཞིང་། སེམས་ཅན་ཐམས་ཅད་ཀྱིས་གནོད་པར་བྱས་ཀྱང་ཞེས་འགྲས་པ་མེད་ལ་ཤིན་ཏུ་ངེས་པར
32a6 ཕིགས་པའི་ཡེ་ཤེས་སུ་གྱུར་ཅིང་ཤེས་རབ་རྣམ་པར་གདོན་མི་ཟ་བ་ཐོབ་པ་དེའི་ཚེ། ཤིན་ཏུ་དཀར་བ་དྲི་མ་མེད་པའི་ཕྱག་རྒྱའི་ཏིང་ངེ་འཛིན་རྩ་བའི་གནས་ལ་རབ་ཏུ་གནས་པ་ཡིན་ནོ།། དེ་ལ
32a7 ཏིང་ངེ་འཛིན་འདིའི་རྩ་བའི་གནས་གང་ཞེ་ན། འདི་ལྟ་སྟེ། སེམས་ཅན་ཐམས་ཅད་ལ་ཞེ་སྡང་མེད་པའི་སྙིང་རྗེ་ཆེན་པོའོ།། དེ་སེམས་ཅན་ཐམས་ཅད་ཀྱིས་བསྟི་བསྟང་དུ་བྱས་ཀྱང་ཁེངས་པར་མི་འགྱུར།།
iiif viewer powered by OpenSeadragon
