| e-texts navigator |
| Wylie |
31b1 ལ་དབང་ནི་ཐོབ་པ་ཡི། ། རྫུ་འཕྲུལ་རྐང་པ་རབ་ཏུ་བསྟན།། ཆགས་པ་ཀུན་ལས་རབ་འདས་པ།། དེ་ནི་དད་པའི་དབང་པོ་ཡིན།། ཆོས་རྣམས་ཐམས་ཅད་རྣམ་དབེན་པ།། དེ་ནི་བརྩོན་འགྲུས་དབང
31b2 པོ་ཡིན། ། དྲན་པ་མེད་པའི་དྲན་འཇུག་པ།། དེ་ནི་དྲན་པའི་དབང་པོ་ཡིན།། ཆོས་རྣམས་ཡིད་ལ་མི་བྱེད་པ།། དེ་ནི་ཏིང་འཛིན་དབང་པོ་ཡིན།། སྤོས་ལས་ཤིན་ཏུ་རབ་འདས་པ།། དེ་ནི་ཤེས་རབ
31b3 དབང་པོ་ཡིན། ། ཡང་དག་ཉིད་ནི་རྟོགས་ནས་དེ།། གཞན་གྱི་དད་པས་འགྲོ་མ་ཡིན།། སེམས་ནི་གཡོ་བ་ཡོད་མིན་པ།། དད་པའི་སྟོབས་ནི་འདི་འདྲའོ།། ཡང་དག་ཤེས་ལས་ཉམས་པ་མེད།། དྲན
31b4 པའི་སྟོབས་ནི་འདི་འདྲའོ། ། ཏིང་ངེ་འཛིན་གྱི་སྟོབས་མཛོད་ནི།། ངེས་པར་སེམས་ལ་དགའ་བ་ཡིན།། མི་རྟོག་རྣམ་པར་མི་རྟོག་པ།། ཤེས་རབ་སྟོབས་ནི་འདི་འདྲའོ།། ཆོས་རྣམས་རྟོགས་པའི
31b5 དོན་དུ་ནི། ། བྱང་ཆུབ་ཡན་ལག་རབ་ཏུ་བསྟན།། མཉམ་སྟེ་མི་མཉམ་མེད་པའི་ཆོས།། ཡང་དག་ལྟ་ཡིན་ཞེས་བརྗོད།། གཉིས་མེད་ཆོས་ལ་སྒོམ་པ་ནི།། སྐྱེ་བ་མེད་པའི་ལམ་སྒོམ་ཡིན།།
31b6 སྐྱེ་བ་མེད་པ་མི་རྟག་དོན།། འབྱུང་བ་མེད་པ་སྡུག་བསྔལ་དོན།། རྒྱུ་བ་མེད་པ་བདག་མེད་དོན།། ཞི་དོན་ཉེ་བར་ཞི་བར་གནས།། དུལ་བའི་སེམས་ནི་སྦྱིན་པ་ཡིན།། ཞི་བའི་སེམས་ནི་ཚུལ
31b7 ཁྲིམས་ལྡན། ། ཟད་པའི་ཆོས་རྟོགས་བཟོད་པ་ཡིན།། བརྩོན་འགྲུས་རྣམ་པར་ཕྱེ་བས་རྟོགས།། ཤིན་ཏུ་ཞི་བ་བསམ་གཏན་དེ།། ཤེས་རབ་ཡང་དག་རབ་ཤེས་པ།། སེམས་ཅན་གདོད
iiif viewer powered by OpenSeadragon
