| e-texts navigator |
| Wylie |
31a1 པོ་འདྲ། ། རྣམ་པར་ཤེས་པ་སྒྱུ་མ་འདྲ།། ཁམས་བཞི་གཡོ་བ་མེད་པ་སྟེ།། ནམ་མཁའ་མཚུངས་པའི་ཁམས་ཡིན་ནོ།། གང་དག་སྐྱེ་མཆེད་ཐམས་ཅད་ནི། ཁམས
31a2 པོ་ཕན་ཚུན་སྤྱོད་ཡུལ་ལོ། ། སེམས་ནི་ནང་ན་མ་ཡིན་ཏེ།། ཕྱི་རོལ་ཏུ་ཡང་མི་དམིགས་སོ།། ཡིད་ལའང་ང་ཡི་ཡོད་མ་ཡིན།། རྣམ་པར་ཤེས་པ་གནས་པ་མེད།། ཆོས་རྣམས་ཡིད་ལ་མི་བྱེད་དེ།
31a3 ལྷག་པར་བྱེད་པ་རྣམ་པར་སྤོང་།། ཆོས་རྣམས་ཐམས་ཅད་མཉམ་ཉིད་དུ།། ཡང་དག་ཉིད་དུ་ཁོང་དུ་ཆུད།། ཐ་དད་མེད་ཅིང་རོ་གཅིག་སྟེ།། གཅིག་པུ་འགྲོད་ལམ་མཉམ་པ་ཉིད།། ལམ
31a4 གྱི་ཤེས་པ་རབ་ཏུ་རྟོགས། ། ངེས་པའི་དོན་གྱི་དོན་རྣམས་མཐོང་།། བློ་ནི་དོན་གྱི་རྗེས་སུ་ཞུགས།། སྐད་ནི་སྐད་མེད་ཁོང་དུ་ཆུད།། སྒྲ་རྣམས་ཀུན་ལ་སྔོན་མཐའ་དང་། ཕྱི་མའི་མཐའ་མར་ཡོངས
31a5 སུ་གཅོད། ། དོན་དང་ཚིག་འབྲུ་རྣམས་ལ་མཁས།། ཆོས་རྣམས་གཉིས་སུ་མེད་པར་རྟོགས།། བརྗོད་དུ་མེད་པའི་དོན་ལ་ནི།། འདི་ཉིད་ཡང་དག་ཁོང་དུ་ཆུད།། སྐྱེ་བ་མེད་པར་སྡུག་བསྔལ་ཤེས།།
31a6 ཀུན་འབྱུང་བ་ལ་མཉམ་པའི་བློ།། འགོག་པ་ཤེས་པ་ཟད་པར་བསྟན།། ལམ་ཤེས་པ་ནི་འདུས་མ་བྱས།། ལུས་དང་ཚོར་བ་སེམས་དང་ནི།། ཆོས་ལ་ཆོས་སུ་རྗེས་སུ་རྟོགས།། དྲན་མེད་ཡིད་ལ་བྱེད
31a7 མེད་པའི། ། དྲན་པ་ཉེ་བར་གཞག་པ་སྟོན།། ཆོས་ཀྱི་དབྱིངས་ནི་དབྱིངས་མིན་པར།། ཡང་དག་ཉིད་ནི་མཉམ་པས་མཉམ།། སྤོང་བས་སྤང་དུ་མེད་པ་ནི།། ཡང་དག་སྤོང་བ་རབ་ཏུ་བརྟན།། སེམས
iiif viewer powered by OpenSeadragon
