| e-texts navigator |
| Wylie |
30b1 ཆགས་ཁྲག་ཁྲིག་ཕྲག་བཅུ་གཉིས་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། ། སྲོག་ཆགས་ཁྲི་དྲུག་སྟོང་གིས་བཟོད་པ་རབ་ཏུ་ཐོབ་པར་གྱུར་ཏོ།། དེ་ནས་དེའི
30b2 ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་གསུངས་སོ། ། ཆོས་ཀུན་ངེས་པར་རྟོགས་པ་ཡི།། བྱང་ཆུབ་སེམས་ནི་སྒྲོགས་པར་བྱེད།། དེ་ཚེ་ངེས་རྟོགས་ཡེ་ཤེས་ཀྱིས།། ཆོས་རྣམས་ཀུན
30b3 ལ་ཆགས་པ་མེད། ། ཟབ་མོའི་ཆོས་རྣམས་ཁོང་དུ་ཆུད།། མཁས་པ་སླབ་པར་འགྱུར་བ་མེད།། སྐྲག་མེད་ཀུན་ཏུ་འཇིགས་མེད་པས།། ཁྱད་པར་འཕགས་པར་འགྱུར་བ་ཡིན།། རྒྱུ་ལ་དམིགས་པའི
30b4 ཚུལ་གྱིས་ནི། ། བརྟེན་པའི་ཆོས་རྣམས་ཁོང་དུ་ཆུད།། ཤེས་རབ་ལྡན་དེ་རྗེས་འཐུན་བྱེད།། མཐར་ལྟ་བ་ནི་མི་འཛིན་ཏོ།། རྟག་པ་དང་ནི་ཆད་པ་ལ།། བློ་ནི་ཐོབས་པ་ཡོད་མ་ཡིན།། ཡང་དག
30b5 མཐའ་ནི་བསམ་ཡས་པའི། ། དབུ་མའི་མཐའ་ནི་རྟོགས་པར་འགྱུར།། བདག་གི་མཐའ་ཡི་རང་བཞིན་གྱིས།། ཆོས་རྣམས་བདག་མེད་ངོ་བོ་ཉིད།། ཆོས་ཀུན་དེ་ཡི་རང་བཞིན་ཏེ།། གདོད་ནས་མ
30b6 སྐྱེས་འགག་པ་མེད། ། སྐྱེས་པ་མེད་ཅིང་འབྱུང་བ་མེད།། སྟོང་པ་གཟུང་མེད་དྲི་མ་མེད།། མཚན་མ་མེད་ཅིང་སྤྲོས་པ་མེད།། ནམ་མཁའ་དང་ནི་མཚུངས་ཤིང་འདྲ།། དེ་དག་སེམས་ཀྱི་མི་སྨོན་པར།།
30b7 འདོད་ཅིང་ཆགས་པ་མེད་པར་སྤངས།། གཟུགས་ཀྱི་རང་བཞིན་མངོན་སུམ་དུ།། ལྦུ་བ་ལྟ་བུར་རབ་ཏུ་ཤེས།། ཚོར་བ་ཆུ་ངུར་འདྲའ་སྟེ།། འདུ་ཤེས་སྨིག་རྒྱུའི་མཚན་ཉིད་དོ།། འདུ་བྱེད་ཆུ་ཤིང་རྙིང
iiif viewer powered by OpenSeadragon
