| e-texts navigator |
| Wylie |
30a1 སྤྱོད་པའོ། ། ཆོས་རྣམས་ཀྱི་མཚན་ཉིད་ཀྱི་གཞི་གང་ཞེན། འདི་ལྟ་སྟེ། རྣམ་པར་རིག་པ་ནི་ཆོས་རྣམས་ཀྱི་མཚན་ཉིད་ཀྱི་གཞིའོ།། རྣམ་པར་རིག་པ་དེའི།
30a2 ཡང་དག་པར་ཇི་ལྟ་བའི་མཚན་ཉིད་གང་ཡིན་པ་དེ་ནི་ཆོས་རྣམས་ཀྱི་ཡང་དག་པའི་མཚན་ཉིད་ཅེས་བྱའོ།། གང་གི་ཚེ་ཚོར་བ་ཐམས་ཅད་རྒྱུན་བཅད་པར་གྱུར་པ་དེའི་ཚེ་སྣང་བར་ཡང་མི་བྱེད། མི་སྣང་བར
30a3 ཡང་མི་བྱེད་དོ། ། དེ་ལ་སྣང་བ་ནི་གང་མི་སྣང་བ་ནི་གང་ཞེ་ན། སྣང་བ་ཞེས་བྱ་བ་ནི་སྐྱེ་བའོ།། མི་སྣང་བ་ཞེས་བྱ་བ་ནི་འགག་པའོ།། གང་གི་ཚེ་སྣང་བར་ཡང་མི་བྱེད། མི་སྣང་བར་ཡང་མི་བྱེད་པ
30a4 དེའི་ཚེ། སྐྱེ་བར་ཡང་མི་བྱེད། འགག་པར་ཡང་མི་བྱེད་དོ།། གང་གི་ཚེ་སྐྱེ་བར་ཡང་མི་བྱེད། འགག་པར་ཡང་མི་བྱེད་པ་དེའི་ཚེ་ཆོས་ཉིད་ལ་གནས་པ་ཡིན་ཏེ། ཆོས་ཀྱི་དབྱིངས་འཁྲུགས་པར་མི
30a5 བྱེད། དེ་བཞིན་ཉིད་ལས་མི་གཡོ། ཡང་དག་པའི་མཐའ་འཇིག་པར་མི་བྱེད་དོ།། དེ་ལ་ཆོས་ཀྱི་དབྱིངས་ཞེས་བྱ་བ་ནི་རྟེན་ཅིང་འབྲེལ་པར་འབྱུང་བ་རྗེས་སུ་རྟོགས་པའོ།། དེ་བཞིན་ཉིད་ནི་དེ་ཁོ་ནའི
30a6 མཚན་ཉིད་ཁོང་དུ་ཆུད་པའོ། ། ཡང་དག་པའི་མཐའ་ནི་གཉིས་སུ་མེད་པའི་ཡང་དག་པ་མངོན་པར་རྟོགས་པའོ།། བློ་གྲོས་རྒྱ་མཚོ་དེ་ལྟར་མངོན་སུམ་དུ་ཤེས་པ་རིག་པའི་བྱང་ཆུབ་སེམས་དཔའ་སེམས
30a7 དཔའ་ཆེན་པོ་ནི་ཤིན་ཏུ་ཕིགས་པ་ཤེས་པ་ཞེས་བྱའོ། ། སྦྱངས་པ་དང་། གནོད་པ་དང་། ངེས་པར་འབིགས་པའི་ལེའུ་འདི། བཅོམ་ལྡན་འདས་ཀྱིས་བཤད་པའི་ཚེ། ལྷ་དང་མིའི་སྐྱེ་དགུའི་སྲོག
iiif viewer powered by OpenSeadragon
