| e-texts navigator |
| Wylie |
28a1 ཚོལ་བ་དང་། ངེས་པའི་དོན་ལ་རྟོན་པ་དང་། དོན་གྱི་རྗེས་སུ་ཞུགས་པའི་བློ་དང་། སྐད་ཐམས་ཅད་ལ་སྐད་མེད་པར་འཇུག་པ་དང་། སྒྲ་ཐམས་ཅད་ལ་སྔོན་གྱི་མཐའ་དང
28a2 ཕྱི་མའི་མཐའ་ཡོངས་སུ་ཆད་པར་ཤེས་པ་དང་། དོན་དང་ཚིག་འབྲུ་གཉིས་སུ་མེད་པ་ལ་འཇུག་པ་ཤེས་པས་དོན་བརྗོད་ཏུ་མེད་པར་རྟོགས་པ་དང་། སྡུག་བསྔལ་ཤེས་པ་དང་། ངར་འཛིན་པ
28a3 མེད་པ་དང་། ཀུན་འབྱུང་བ་ཤེས་པ་ཤིན་ཏུ་ཟད་པ་དང་། འགོག་པ་ཤེས་པ་སྒྲོ་བཏགས་པ་མེད་པ་དང་། ལམ་ཤེས་པ་འདུས་བྱས་དང་། འདུས་མ་བྱས་མཉམ་པ་ཉིད་དུ་འཇུག་པ་དང་། ལུས
28a4 ལ་ཞུགས་པའི་དྲན་པ་སྔོན་གྱི་མཐའ་དང་། ཕྱི་མའི་མཐར་འཕོ་བ་མེད་པ་དང་། ཚོ་བ་ལ་ཞུགས་པའི་དྲན་པ་སྐྱེ་བ་དང་། འཇིག་པར་མི་གནས་པ་དང་། སེམས་ལ་ཞུགས་པའི་དྲན་པ
28a5 དམིགས་པ་ལ་ཤིན་ཏུ་བརྟགས་པ་དང་། ཆོས་ལ་ཞུགས་པའི་དྲན་པ། ཆོས་ཀྱི་དབྱིངས་དབྱིངས་མ་ཡིན་པ་དང་། ཡང་དག་པའི་སྤོང་བ་མཉམ་པས་མཉམ་པ་དང་། རྫུ་འཕྲུལ་གྱི་རྐང
28a6 པ་སེམས་ལ་དབང་སྒྱུར་བར་གྱུར་པ་དང་། དད་པའི་དབང་པོ་ཆགས་པ་ཐམས་ཅད་ལས་ཤིན་ཏུ་འདས་པ་དང་། བརྩོན་འགྲུས་ཀྱི་དབང་པོ་དབེན་པས་ངེས་པར་འབྱུང་བ་དང་། དྲན་པའི་དབང
28a7 པོ་དྲན་པ་མེད་པ་དང་། ཏིང་ངེ་འཛིན་གྱི་དབང་པོ་ཡིད་ལ་བྱེད་པ་མེད་པ་དང་། ཤེས་རབ་ཀྱི་དབང་པོ་སྤྲོས་པ་ལས་ཤིན་ཏུ་འདས་པ་དང་། དད་པའི་སྟོབས་གཞན་གྱི་དྲིང་མི་འཇོག་པ་དང་། བརྩོན
iiif viewer powered by OpenSeadragon
