| e-texts navigator |
| Wylie |
25b1 རྣམས་དེ་དག་བདག་གིས་སྦྱང་། ། རིན་ཆེན་ཆོས་མཆོག་འདི་ནི་བདག་གིས་བསྲུང་བར་བྱ།། བརྒྱ་ཕྲག་མཐའ་ཡས་སེམས་ཅན་དེ་དག་བདག་གིས་དཀྲོལ།། དེས་ན་གནོད་པ་བཟོད་ཅིང་བསམ་པ་མི
25b2 ཕྱེད་དོ། ། ཕྱོགས་བཅུའི་སེམས་ཅན་ཁམས་ནི་མཐའ་ཡས་ཇི་སྙེད་པ།། ཐམས་ཅད་འདུས་པར་གྱུར་ནས་ལག་ན་མཚོན་ཐོགས་ཏེ། དེ་དག་དེ་ལ་འཇིག་བྱེད་གཤེ་ཞིང་སྡིགས་བྱེད་ཀྱང་།། ཡོན་ཏན
25b3 ཕྱིར་ནི་བསྡིགས་དང་འཕྱ་བ་བཟོད་པར་བྱེད། ། སྔོན་མཐའ་བསྐལ་པ་བརྒྱ་ཕྲག་མཐའ་ཡས་ཇི་སྙེད་པར། དེ་དག་རྒྱུན་མི་འཆད་པར་ཚིག་རྩུབ་སྨྲས་ཀྱང་ནི།། བདག་ཉིད་ཆེན་པོ་དེ་བཟོད་མི་ཁྲོ་གཤེ་བ
25b4 མེད། ། དེ་ལྟར་རྟོགས་པ་རྣམས་ནི་གནོད་པ་དག་པར་འགྱུར།། སེམས་ཅན་དེ་དག་ལག་ན་མཚོན་ཐོགས་ལྷན་ཅིག་ཏུ།། བདག་གི་ལུས་ཀྱི་ཡན་ལག་དུམ་དུ་དུམ་བུར་གཏུབས།། འོན་ཀྱང་བདག་གི
25b5 སེམས་ཡིད་ནམ་ཡང་ཁྲོ་བར་མི་བྱ་སྟེ། ། བྱང་ཆུབ་ཡིད་ལ་བྱས་ན་གནོད་འདི་དག་པར་འགྱུར།། འབྲེང་ངམ་འདུག་གམ་འཆག་གམ་འོན་ཏེ་ཉལ་ཡང་རུང་།། གང་དུ་བྱང་ཆུབ་སེམས་མཆོག་འདི་དག
25b6 སྦྱིན་པ་དང་། ། དུལ་བའི་སེམས་དང་གཞན་ཡང་དཀར་སེམས་མི་འདོར་བ།། དེར་ནི་དེའི་ལུས་དུམ་བུ་དུམ་བུར་རྣམ་པར་གཏོར།། སེམས་དམྱལ་དུད་འགྲོའི་སྐྱེ་གནས་ཡི་དགས་འཇིག་རྟེན་མིར།།
25b7 བསྐལ་པ་བརྒྱ་ཕྲག་མཐའ་ཡས་དོན་མེད་ལུས་ཀྱང་གཏུབས།། སངས་རྒྱས་ཡེ་ཤེས་མངོན་པར་འདོད་པས་ལུས་འདོར་ཞེས།། སྐྱེས་བུ་དེས་ནི་ཡིད་ཀྱང་ཡང་དག་ཚིམ་པར་བྱེད།། མི་ཡི་སྡུག
iiif viewer powered by OpenSeadragon
