| e-texts navigator |
| Wylie |
21b1 མང་ངོ་། ། དགེ་བའི་ཕྱོགས་ལ་ནི་གྲོགས་བྱེད་པ་ཉུང་ངོ་ཞེས་གསུངས་པས་བདག་གིས་མི་དགེ་བའི་ཕྱོགས་ཀྱི་གྲོགས་མི་བྱའི། དགེ་བའི་ཕྱོགས་ཀྱི་གྲོགས་བྱའོ།། སེམས་ཅན་ཐམས་ཅད་ལ།
21b2 བཟོད་པར་བྱའི་གནོད་སེམས་སུ་མི་བྱའོ།། སེམས་ཅན་དེ་དག་ལ་གང་ཡོད་པ་དེ་མ་བྱིན་ཡང་བདག་ལ་གང་ཡོད་པ་དེ་བདག་གིས་སྦྱིན་པར་བྱ་སྟེ། སེམས་ཅན་དེ་དག་ལ་གནོད་སེམས་དང་། ཁྲོ་བ
21b3 དང་འཁོན་ཏུ་འཛིན་པ་ཡོད་པ་དེ་དག་དེ་རྣམས་ཀྱིས་མ་བྱིན་ཡང་བདག་ལ་བཟོད་པ་དང་ངེས་པ་གང་ཡོད་པ་དེ་བདག་གིས་སྦྱིན་པར་བྱའོ། ། བདག་གིས་བཟོད་པའི་སྟོབས་བསྟན་པར་བྱའི།།
21b4 གནོད་སེམས་ནི་མ་ཡིན་ནོ་སྙམ་མོ།། བློ་གྲོས་རྒྱ་མཚོ་ལུས་དང་སྲོག་འདོར་བའི་བྱང་ཆུབ་སེམས་དཔའ་རྣམས་ལ་ནི། བླ་ན་མེད་པ་ཡང་དག་པར་རྫོགས་པའི་བྱང་ཆུབ་རྙེད་པར
21b5 དཀའ་བ་མ་ཡིན་ནོ། ། གང་གི་གཞི་ལས་གནོད་སེམས་འབྱུང་བའི་ཆོས་དེ་བདག་གིས་སྤངས་པར་བྱའོ་སྙམ་མོ།། ཆོས་དེ་གང་ཞེ་ན། འདི་ལྟ་སྟེ། ལུས་ལ་དགའ་བ་དང་། ལུས་ལ་གནས
21b6 པ་དང་། ལུས་ལ་ཆགས་པ་སྟེ། ལུས་བཏང་ན་གནོད་སེམས་ཀྱང་གཏོང་ངོ་།། བློ་གྲོས་རྒྱ་མཚོ་དེ་ལྟར་བགྲང་བ་ལ་ཞུགས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་སེམས་ཅན་ཐམས
21b7 ཅད་ཀྱི་གནོད་པ་བཟོད་དེ། མི་སྐྱོ་མི་ཁྲོའོ།། དེ་གནོད་པ་གསུམ་བཟོད་དེ། གསུམ་གང་ཞེ་ན། ལུས་ཀྱི་གནོད་པ་དང་། ངག་གི་གནོད་པ་དང་། སེམས་ཀྱི་གནོད་པའོ།། ཟོ
iiif viewer powered by OpenSeadragon
