| e-texts navigator |
| Wylie |
21a1 འདི་སེམས་ཅན་དམྱལ་བར་སོང་ངམ། དུད་འགྲོའི་སྐྱེས་གནས་སུ་སོང་ངམ། གཤིན་རྗེའི་འཇིག་རྟེན་དུ་སོང་ངམ། མིར་གྱུར་ཀྱང་རུང་སྟེ། འདོད་པའི་ཟས་ཀྱི་དྲི་མས།
21a2 དྲི་མ་ཅན་དུ་གྱུར་ནས། ཆོས་ཐོས་པ་དང་མི་ལྡན་ཞིང་ཡང་བའི་འཚོ་བའི་སྤྱོད་ཡུལ་དོན་མེད་པས་འཚོ་བ་ཅན་དུ་གྱུར་ཏེ། ཡན་ལག་དང་ཉིང་ལག་བརྒྱར་གཤེགས་ཤིང་ཏུ་བས་ཏེ། ཕྱེ་ཞིང་ཕྲལ
21a3 ལ་བྱ་བ་རྣམ་པ་མང་པོ་བྱས་ཀྱང་བདག་གིས་བཞི་དེ་ལས་བདག་གི་དོན་བྱས་ཀྱིས་གཞན་གྱི་དོན་མ་བྱས་པའི། གལ་ཏེ་སེམས་ཅན་དེ་དག་ཐམས་ཅད་ཀྱིས་ཕྱི་མའི་མཐར་བདག་གི་ལུས་གཤེགས
21a4 གཏུབས། རྣམ་པར་གཏོར་རྣམ་པར་བཅོམ་པ་དེ་ལྟ་བུར་གྱུར་ཀྱང་བདག་གིས་ཐམས་ཅད་མཁྱེན་པ་ཉིད་ཡོངས་སུ་མི་གཏོང་ངོ་།། སེམས་ཅན་ཐམས་ཅད་ཡོངས་སུ་མི་གཏོང་ངོ་།། དགེ
21a5 བའི་ཆོས་ལ་འདུན་པ་ཡོངས་སུ་མི་གཏོང་ངོ་། ། དེ་ཅིའི་ཕྱིར་ཞེ་ན། ལུས་གཏུབ་པའི་ལུས་ཀྱི་གནོད་པ་འདི་ཐམས་ཅད་ནི་སེམས་ཅན་དམྱལ་བའི་སྡུག་བསྔལ་གྱི་བརྒྱའི་ཆར་ཡང་ཉེ་བར་མི་འགྲོ་བ
21a6 ནས། རྒྱུའི་བར་དུ་ཡང་མི་བཟོད་དོ།། བདག་ནི་སེམས་ཅན་དམྱལ་བར་གནས་པར་སྤྲོའི། བདག་གིས་སངས་རྒྱས་ཀྱི་ཆོས་གཏང་བར་ནི་མི་བྱའོ།། སེམས་ཅན་ཐམས་ཅད་རབ་ཏུ་ཐར་བར
21a7 བྱ་བ་ལ་དམིགས་པའི་སྙིང་རྗེ་ཆེན་པོ་མི་གཏོང་ངོ་། ། དེ་ཅིའི་ཕྱིར་ཞེ་ན། དེ་ནི་བཅོམ་ལྡན་འདས་ཀྱིས་ཀྱང་གསུངས་ཏེ། དགེ་བ་ལ་ནི་བར་ཆད་མང་ངོ་།། མི་དགེ་བའི་ཕྱོགས་ལ་ནི་གྲོགས་བྱེད་པ
iiif viewer powered by OpenSeadragon
