| e-texts navigator |
| Wylie |
20b1 སྤོང་བའི་ཕྱིར་གོ་ཆ་བགོས་པའོ། ། སེམས་ཅན་དེ་དག་ནི་གནོད་སེམས་ལ་དཔའ་བ་དག་གོ།། བདག་ནི་བཟོད་པ་དང་ངེས་པ་ཡོངས་སུ་ཚོལ་བའོ།། སེམས་ཅན་དེ་དག་ནི་གཅིག་ལ་གཅིག་ཡོངས་སུ
20b2 འདྲིད་པར་གནས་པ་དག་གོ། ། བདག་ནི་ཤེས་རབ་ཀྱིས་ངོམས་པ་ཡོངས་སུ་ཚོལ་བའོ།། གལ་ཏེ་སེམས་ཅན་དེ་དག་ཕྱོགས་བཅུའི་རབ་ཏུ་དབྱེ་བས་རབ་ཏུ་ཕྱེ་བ་ཇི་སྙེད་པ་དེ་དག་ཐམས་ཅད་རལ་གྲི་དང་།
20b3 མདུང་ཐུང་དང་། མདའ་བོ་ཆེ་ལག་ན་ཐོགས་ཏེ། བདག་གི་ཕྱི་བཞིན་འབྲང་ཡང་ས་ཕྱོགས་གང་དུ་འགྲེང་ངམ། འདུག་གམ། འཆག་ག་མ། ཉལ་ཡང་རུང་སྟེ། བྱང་ཆུབ་ཀྱི་སེམས
20b4 སྐྱེ་བར་འགྱུར་བ་དང་། སྦྱིན་པའི་སེམས་སམ། ཚུལ་ཁྲིམས་ཀྱི་སེམས་སམ། བཟོད་པའི་སེམས་སམ། བརྩོན་འགྲུས་ཀྱི་སེམས་སམ། བསམ་གཏན་གྱི་སེམས་སམ། ཤེས
20b5 རབ་ཀྱི་སེམས་སམ། ཐོས་པའི་དགེ་བའི་རྩ་བའི་སེམས་སྐྱེ་བར་འགྱུར་པའི་ས་ཕྱོགས་དེར། དེ་བདག་ལུས་རྒྱ་ཤུག་གི་ལོ་མའི་བརྒྱ་ཆ་ཙམ་དུ་གཏུབས་སམ། རྣམ་པར་གཏོར་རམ།
20b6 རྣམ་པར་བཅོམ་མམ། སེམས་ཅན་དེ་དག་ཐམས་ཅད་ལས་གཞན་མི་བྱེད་པར་རྒྱུན་ཏུ་གཤེ་འམ། བསྡིགས་སམ། སྨོད་དམ། གཤུང་ངམ་ཚིག་ངན་པ་དང་། ངག་རྩུབ་པོ་སྨྲ་བ་དེ་ལྟར
20b7 གྱུར་ཀྱང་། བདག་གིས་སེམས་ཅན་འགའ་ལ་ཡང་འཁྲུག་པའི་སེམས་བསྐྱེད་པར་མི་བྱའོ།། དེ་ཅིའི་ཕྱིར་ཞེ་ན། སྔོན་གྱི་མཐའ་ནས་འཁོར་བ་ཚད་མེད་པར་བྱས་ཏེ། གང་དུ་བདག་གིས་ལུས
iiif viewer powered by OpenSeadragon
