| e-texts navigator |
| Wylie |
19a1 ཇི་ལྟར་སངས་རྒྱས་ཡོན་ཏན་མཐོང་། ། དེ་ལྟ་དེ་ལྟར་དེ་བས་རི་རབ་འདྲ།། ནང་ནི་རབ་ནི་སྲེད་པའི་ཉེས་པ་མཐོང་།། དེ་ནི་གཞན་གྱི་འཕྲུལ་ལ་ལྟ་མི་བྱེད།། འདུས་བྱས
19a2 ཉེས་པ་དག་ཀྱང་ཤིན་ཏུ་མཐོང་། ། འཁོར་བས་འཇིགས་པས་སྡིག་པ་རྣམས་མི་བྱེད།། ལེགས་སྤྱོད་ཁུར་ཁྱེར་བས་ནི་སྐྱོ་བ་མེད།། ཞིང་རྣམས་སྦྱོང་བར་འདོད་པ་ཉམས་པ་མེད།། ཆོས་རྣམས
19a3 ཡོངས་སུ་བཟུང་བས་ཞུམ་པ་མེད། ། སེམས་ཅན་ཐར་བྱེད་རྒྱུ་ལ་འཇིགས་པ་མེད།། ཆུ་བོ་བཞི་པོ་དག་ལས་བསྒྲལ་བའི་ཕྱིར།། དེ་ནི་ཆོས་གྲུ་ཡང་དག་སྦྱོར་བར་བྱེད།། ལུས་ཅན་མྱ་ངན་འདས
19a4 ལམ་གཟུད་པའི་ཕྱིར། དེ་ནི་སྟེགས་དང་ཟམ་པ་འཆའ་བར་བྱེད།། འདམ་ལས་འདས་ཤིང་འོབས་ལས་རྒལ་ནས་ནི།། ཐང་ལ་གནས་ཤིང་དེ་དག་འཛེགས་མེད་གནས།། འཇིགས་པས
19a5 གཡེན་སྤྲོ་རྣམས་ལ་འཇིགས་མེད་སྟོན། ། བདག་ཉིད་རྒལ་ནས་དེ་དག་གཞན་ཡང་སྒྲོལ།། གང་དག་ཆོས་ཚུལ་འདི་དག་རྣམ་དག་ཅིང་།། རྫོགས་པའི་བྱང་ཆུབ་སེམས་བརྟན་ཁ་ལོ་སྒྱུར།། དེ་དག
19a6 བྱང་ཆུབ་སེམས་མཆོག་རྣམས་དག་སྟེ། ། ཉོན་མོངས་དྲི་མས་གཞར་ཡང་གོས་མི་འགྱུར།། ཇི་སྟེ་ནམ་མཁའ་ཉོན་མོངས་བྱ་བར་ནུས།། དེ་ལ་རྗེས་ཀྱང་བསྟན་པར་ནུས་སྲིད་ཀྱི།། རང་བཞིན་འོད
19a7 གསལ་རྫོགས་པའི་བྱང་ཆུབ་སེམས། ། དེ་ནི་ནམ་ཡང་ཉོན་མོངས་བྱར་མི་ནུས།། ཐམས་ཅད་མཁྱེན་པའི་སེམས་རིན་པོ་ཆེ་ཡོངས་སུ་སྦྱང་བའི་ལེའུ་སྟེ་དང་པོའོ།། །། བམ་པོ
iiif viewer powered by OpenSeadragon
