| e-texts navigator |
| Wylie |
17a1 པར་སྦྱར་བ་ཡིན། ཕ་རོལ་ཏུ་འགྲོ་བའི་ཕྱིར་སྟེགས་དང་བམ་པ་ཤིན་ཏུ་བཅས་པ་ཡིན།། ཐང་ལ་ཤིན་ཏུ་གནས་པའི་ཕྱིར་འདས་དང་། འོབས་ལས་རྒལ་བ་ཡིན་ཏེ།
17a2 བློ་གྲོས་རྒྱ་མཚོ་དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་གང་གི་ཚེ་ཆོས་འདི་ལྟ་བུ་དེ་དག་གིས་དག་པ་དང་། ཡོངས་སུ་དག་པ་དང་། སྦྱིན་པ་འཕགས་པ་དང་། ཚུལ
17a3 ཁྲིམས་ཡོངས་སུ་དག་པ་དེ་ནི་རྣམ་པ་ཐམས་ཅད་མཁྱེན་པར་སེམས་བསྐྱེད་པ་རིན་པོ་ཆེ་དེ་སྦྱོང་བའོ། ། དེ་ནས་དེའི་ཚེ་བཅོམ་ལྡན་འདས་ཀྱིས་ཚིགས་སུ་བཅད་པ་འདི་དག་གསུངས་སོ།།
17a4 ལུས་དང་ངག་རྣམས་དང་ནི་ཡིད་བསྡམས་ཤིང་།། རྣམ་པར་དག་པའི་ལས་ལམ་བཅུ་ལ་སློབ།། བྱམས་པས་སེམས་ཅན་ཀུན་ལ་ཡང་དག་བལྟ།། འདི་ནི་ཐམས་ཅད་མཁྱེན་པའི་སེམས
17a5 སྦྱོང་ཡིན། ། སྙིང་རྗེ་ལྡན་པས་གཞན་གྱི་བྱ་བར་བརྩོན།། དགའ་དང་ལྡན་པས་ཆོས་ལ་ཕ་རོལ་སྦྱོར།། བཏང་སྙོམས་ལྡན་པས་ཆོས་མཆོག་འཚེ་བ་མེད།། འདི་ནི་ཐམས་ཅད་མཁྱེན་པའི
17a6 སེམས་སྦྱོང་ཡིན། ། རྟག་ཏུ་དྲང་ཞིང་གཡོ་ནི་རྣམ་པར་སྤངས།། གཞན་ལ་ཕན་བྱེད་སྡིག་པ་རྣམ་པར་སྤངས།། ལྷག་བསམ་དགེ་བ་ཅི་ཡོད་རྗེས་སུ་འཇུག། འདི་ནི་ཐམས་ཅད་མཁྱེན་པའི
17a7 སེམས་སྤྱོང་ཡིན། ། ཤེས་རབ་རབ་འཇུག་དྲན་དང་ཤེས་བཞིན་ཅན།། སེམས་རབ་དུལ་བས་སེམས་ནི་ལས་སུ་རུང་།། སྦྱངས་པའི་ཡོན་ཏན་རྣམས་དང་གསོ་སླ་བ།། འདི་ནི་ཐམས་ཅད
iiif viewer powered by OpenSeadragon
