| e-texts navigator |
| Wylie |
165b1 གང་དག་བྱང་ཆུབ་སེམས་ནི་མི་བརྗོད་པ།། དེ་དག་དེ་བཞིན་གཤེགས་པས་ཤིན་ཏུ་བཟུང་།། ཕྱོགས་བཅུའི་སངས་རྒྱས་སྟོང་ཕྲག་བྱེ་བ་རྣམས།། ཕྱག་ནི་གཡས་པ་རབ་ཏུ་བརྐྱང་མཛད་དེ།
165b2 ཡོན་ཏན་རྒྱ་མཚོའི་སྤྱི་བོར་བཞག་ནས་ནི།། ཤཱཀྱ་སེང་གེས་བསྐུལ་བ་ལེགས་ཤེས་གསུང་།། ལྷ་དང་ཀླུ་དང་ལྷ་མིན་མི་འམ་ཅི།། དྲི་ཟ་གནོད་སྦྱིན་མཁའ་ལྡིང་ལྟོ་འཕྱེ་ཆེ།། བརྒྱ་བྱིན་ཚངས་པ
165b3 འཇིག་རྟེན་སྐྱོང་བ་རྣམས། ། ནམ་མཁར་གནས་ཏེ་ཆེད་དུ་རྗོད་པ་བརྗོད།། ཤཱཀྱ་སེང་གེ་འདི་དང་དགེ་འདུན་དང་། མདོ་སྡེ་འདི་འདྲ་བ་ནི་འཛིན་བྱེད་པ།། བྱང་ཆུབ་སེམས་དཔའ་དཔའ་བོ་རིང
165b4 གནས་གྱུར། ། ལེགས་གསུངས་ཆོས་ནི་གཞར་ཡང་ནུབ་མ་གྱུར།། གང་དག་ཆོས་ཀྱི་ཚུལ་ནི་འདི་འཛིན་པ།། དེ་དག་ལ་ནི་བདག་ཅག་བསྙེན་བཀུར་བགྱི།། བདག་ཅག་ཐམས་ཅད་གུས་དང་བཅས
165b5 པར་ནི། ། ཀུན་ཏུ་སྲུང་ཞིང་སྦ་བ་སྤྲོ་བར་བགྱི། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་བློ་གྲོས་རྒྱ་མཚོ་ལ་བཀའ་སྩལ་པ། བློ་གྲོས་རྒྱ་མཚོ་ཆོས་ཀྱི་ཚུལ་ཆོས་ཀྱི
165b6 ཕྱག་རྒྱ་ཆོས་བཏུས་པ། ཆོས་རབ་ཏུ་རྣམ་པར་འབྱེད་པ་ཆོས་རབ་ཏུ་དབྱེ་བ་འདི་ནི། འདས་པ་དང་། མ་འོངས་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱིས་བཤད
165b7 པའཆང་པ་འཆད་པར་འགྱུར་བ་སྟེ། བློ་གྲོས་རྒྱ་མཚོ་ཁྱོད་ཀྱིས་དེ་ལ་གུས་པ་དང་བཅས་པ་དང་། ཞེ་ས་དང་བཅས་པ་དང་། སྒྲུབ་པ་སྙིང་པོར་བྱའོ།། བཅོམ་ལྡན་འདས་ཀྱིས་དེ་སྐད་ཅེས
iiif viewer powered by OpenSeadragon
