| e-texts navigator |
| Wylie |
164b1 བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དེ། ཚིག་འདི་སྐད་ཅེས་བདག་ཅག་ཀྱང་བྱང་ཆུབ་སེམས་དཔའ་བློ་གྲོས་རྒྱ་མཚོའི་དྲན་པའི་སྟོབས་བསྐྱེད་པ་ཅི་འདྲ་བ་དེ་འདྲ་བར་གྱུར
164b2 ཅིག་ཅེས་སྨྲས་སོ། ། ཐམས་ཅད་དང་ལྡན་པའི་འཁོར་གྱིས་ལྷ་དང་། མིའི་མེ་ཏོག་གིས་བཅོམ་ལྡན་འདས་དང་བྱང་ཆུབ་སེམས་དཔའ་བློ་གྲོས་རྒྱ་མཚོ་ལ་གཏོར། མངོན་པར་གཏོར་ཏོ།།
164b3 དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་པདྨ་བཀོད་པས་འདི་སྐད་ཅེས་གསོལ་ཏོ།། བཅོམ་ལྡན་འདས་རིགས་ཀྱི་བུ་འམ། རིགས་ཀྱི་བུ་མོ་གང་ཆོས་ཀྱི་སྒོའི་ལེའུ་འདི་ཐོས
164b4 ནས་མོས་པ་དང་། མོས་ནས་ཀྱང་འཛིན་པ་དང་། འཆང་བ་དང་། ཀློག་པ་དང་། འདོན་པ་དང་། རྟོག་པ་དང་། དེ་བཞིན་ཉིད་དུ་ནན་ཏན་བགྱིས་པ་དེ་བསོད་ནམས་ཇི་ཙམ་ཞིག་བསྐྱེད་པར་འགྱུར
164b5 དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་པདྨ་བཀོད་པ་ལ་ཚིགས་སུ་བཅད་དེ་བཀའ་སྩལ་པ། སྟོང་ཆེན་པོ་ཡི་འཇིག་རྟེན་ཁམས་འདི་ནི།། གསེར་གྱིས་བཀང་སྟེ་བདེ
164b6 གཤེགས་ཕུལ་བ་བས། ། གང་གིས་ཆོས་ཀྱི་མཛོད་འདི་ཐོས་ནས་ནི།། མོས་པའི་བསོད་ནམས་འདི་ནི་ཁྱད་པར་འཕགས།། གང་གིས་འཇིག་རྟེན་ཁམས་ཁྲི་རིན་ཆེན་བཀང་།། དེ་བཞིན་གཤེགས
164b7 བ་རྣམས་ལ་ཕུལ་བ་བས། ། གང་གིས་མདོ་སྡེ་འདི་ལ་འཇུག་བྱས་པ།། བསོད་ནམས་དེ་ལ་སྔ་མས་སྤྱད་དུ་མེད།། གང་གིས་འཇིག་རྟེན་ཁམས་ནི་སྟོང་ཕྲག་བཅུ།། རིན་ཆེན་བཀང་སྟེ་སྦྱིན་པ་བྱིན
iiif viewer powered by OpenSeadragon
