| e-texts navigator |
| Wylie |
161b1 འདས་བདག་ཚངས་པའི་འཇིག་རྟེན་དུ་གནས་ཏེ། བསམ་གཏན་དང་། ཚད་མེད་པའི་བདེ་བ་ལ་གནས་པ་བོར་ལ། གང་ན་ཆོས་ཀྱི་རྣམ་གྲངས་འདི་སྟོན་པའི་འཁོར་དེར་མཆི་བར་བགྱིའོ།།
161b2 ཆོས་སྨྲ་བ་དེ་ལ་ཡང་ཆོས་བརྒྱད་བསྒྲུབ་པར་བགྱིའོ།། བརྒྱད་གང་ཞེ་ན། ཇི་ལྟར་ཐོས་པའི་ཆོས་མི་བསྐྱུད་པར་བགྱི་བའི་སླད་དུ། དེ་ལ་དྲན་པ་བསྒྲུབ་པར་བགྱི། ཆོས་ཟབ་མོ་རྟོགས
161b3 པར་བགྱི་བའི་སླད་དུ་དེ་ལ་བློ་གྲོས་བསྒྲུབ་པར་བགྱི། ། དོན་གྱི་རྣམ་པ་རྟོག་པར་བགྱི་བའི་སླད་དུ་དེ་ལ་རྟོགས་པར་བསྒྲུབ་པར་བགྱི། ཐེ་ཙོམ་ཐམས་ཅད་གཅད་པའི་སླད་དུ་དེ་ལ་སྤོབས་པ
161b4 བསྒྲུབ་པར་བགྱི། སྐད་དང་ངེས་པའི་ཚིག་ཐམས་ཅད་ཀྱིས་ཡོངས་སུ་ཚིམ་པར་བགྱི་བའི་སླད་དུ། དེ་ལ་ལུང་བསྟན་པ་ཕུན་སུམ་ཚོགས་པར་བསྒྲུབ་པར་བགྱི། འཁོར་ཐམས་ཅད་ཟིལ་གྱི
161b5 མི་ནོན་པར་བགྱི་བའི་སླད་དུ། དེ་ལ་འདུལ་བར་བསྲུང་བ་བསྒྲུབ་པར་བགྱི། མི་དམན་པར་ལུང་བསྟན་པར་བྱ་བའི་སླད་དུ། དེ་ལ་ཆོས་ཀྱི་སྣང་བ་སྒྲུབ་པར་བགྱི། དེ་བགྱི་ཅིང་ཆོས་བསྒྲུབ་པའི་སླད
161b6 དུ། ། དེ་ལ་ངེས་འབྱུང་བའི་སྒོ་བསྒྲུབ་པར་བགྱི་སྟེ། བཅོམ་ལྡན་འདས་ཆོས་སྨྲ་བ་དེ་ལ་ཆོས་བརྒྱད་པོ་འདི་དག་བསྒྲུབ་པར་བགྱིའོ།། ཆོས་སྨྲ་བ་དེ་ལ་བསྲུང་ཞིང་སྦ་བ་དང་། དམ་པའི་ཆོས་ཀྱང་ཡུན
161b7 རིང་དུ་གནས་པར་བགྱི་བའི་སླད་དུ། འདི་ལྟ་སྟེ། དེ་བཞིན་གཤེགས་པ་ཉིད་ཀྱི་བྱིན་གྱིས་བརླབས་ཀྱིས་ཇི་ལྟར་ཆོས་ཀྱི་རྣམ་གྲངས་འདི་རྒྱས་པར་འགྱུར་བ་ལྟར་བདུད་ཐམས་ཅད་དང་། ཕས་ཀྱི
iiif viewer powered by OpenSeadragon
