| e-texts navigator |
| Wylie |
15b1 ཅན་ཐམས་ཅད་ལ་མི་འཚེ་ཞིང་རྟག་ཏུ་སེམས་དྲང་བ་དང་། གཡོ་དང་སྒྱུ་མེད་པས་ཕན་པའི་དངོས་པོའི་བསམ་པར་གྱུར་པ་དང་། དེ་དགེ་བའི་རྩ་བ་ཐམས་ཅད་བརྩམ་པ་ལ་ལྷག་པའི་བསམ་པ
15b2 སྦྱོར་བ་དང་། ཅང་ཤེས་ཀྱི་སེམས་ཀྱིས་དྲན་པ་དང་། ཤེས་བཞིན་དང་ལྡན་པ་དང་། སེམས་ཤིན་ཏུ་དུལ་བས་སེམས་ལས་སུ་རུང་བ་དང་། དགང་སླ་བས་སྦྱངས་པའི་ཡོན་ཏན་ཡོ་བྱད་བསྲུངས་པའི་ཚོགས
15b3 དང་ལྡན་པ་དང་། གསོ་སླ་བས་འཕགས་པའི་རིགས་ཆོག་ཤེས་པ་དང་། བླ་མ་དང་སྦྱིན་གནས་རྣམས་ལ་འདུད་ཅིང་རབ་ཏུ་འདུད་པ་དང་། ང་རྒྱལ་མེད་པས་ཁེང་པ་དང་། རྩོད་པ་རྣམ་པར་སྤོང་བ་དང་། སེམས
15b4 ངེས་པར་སེམས་པས་ང་རྒྱལ་ལས་ཀྱང་ང་རྒྱལ་རྣམ་པར་སྤོང་བ་དང་། རྙོག་པ་མེད་པས་སེམས་གསལ་བ་དང་། བདག་ལ་མི་སྟོད་པས་བདག་ཤེས་པ་ལ་འཇུག་པ་དང་། གཞན་ལ་མི་སྨོད་པས་སེམས་ཅན
15b5 རྗེས་སུ་བསྲུང་བ་དང་། སྨན་གྱི་སེམས་ཀྱིས་ཆོས་ལ་གུས་པ་དང་། དེའི་དོན་སོ་སོར་མྱོང་བས་ཆོས་དོན་ཏུ་གཉེར་བ་དང་། དེ་ལ་གཞོལ་འབབ་བབ་པས་ཆོས་འདོད་པ་དང་། ཉོན་མོངས་པ་མེད་པ་ལ
15b6 གནས་པས་ཆོས་ལ་དགའ་བ་དང་། ཆོས་མ་ཡིན་པ་རྣམ་པར་སྤོང་བས་ཆོས་ཡོངས་སུ་ཚོལ་བ་དང་། རྟག་ཏུ་ངོ་ཚ་ཤེས་པས་དཀོན་མཆོག་གསུམ་ལ་དད་པ་རྒྱུན་མི་འཆད་པ་དང་། ལས་ཀྱི་རྣམ་པར
15b7 སྨིན་པ་ལ་ཡིད་ཆེས་པས་མི་དགེ་བ་ཐམས་ཅད་ཡིད་ལ་མི་བྱེད་པའི་བྱ་བ་ལ་འཇུག་པ་དང་། དྲང་བས་སྤོང་ལམ་སྦས་པ་དང་། ཁེངས་པ་མེད་པས་མཉེན་པ་དང་། ཞི་གནས་ཡོངས་སུ་ཚོལ་བས་རྒོད
iiif viewer powered by OpenSeadragon
