| e-texts navigator |
| Wylie |
148a1 ཕུན་སུམ་ཚོགས་པ། བྱང་ཆུབ་སེམས་དཔའི་བགྱི་བ་ཐམས་ཅད་ཚར་ཕྱིན་པ་དེ་དག་གི་གན་དུ་མི་མཆི། མི་བསྙེན་མི་བསྟེན། བསྙེན་བཀུར་མི་བགྱིད། ཡོངས་སུ་མི་འདྲི། ཡོངས
148a2 སུ་འདྲི་བར་མི་སྩོལ་ཅིང་། དེ་མ་ཐོས་པའི་ཆོས་ཉན་པར་མི་བགྱིད། ཐོས་པའི་ཆོས་རྣམས་ཀྱང་ཡོངས་སུ་དཀར་བར་མི་བགྱིད། དེ་ལས་གཞན་པའི་བྱང་ཆུབ་སེམས་དཔའི་ཐེག་པ་པའི་གང་ཟག་གང་དག
148a3 བདུད་ཀྱི་ལྕགས་ཀྱུས་ཟིན་པ། ཆོས་ངན་པ་ལ་སྤྱོད་པ་དེ་དག་ལ་དགའ་བ་རྙེད་པ་དང་། དེ་དག་ཀྱང་དེ་བཞིན་དུ་དེའི་རྗེས་སུ་འཇུག་པར་འགྱུར་བ་དང་། དེ་དམན་པ་ལ་སྟེན་ཅིང་ཁྱད་པར་དང་བྲལ་བ་འདི་ལྟ་སྟེ།
148a4 ཞན་པའི་འགྲོ་བ། བླུན་པ། འོན་པ། ལྐུགས་པའི་འགྲོ་བ། འགྲོ་བ་དམན་པ་ཉིད་དུ་མཆི་བར་འགྱུར་རོ།། བཅོམ་ལྡན་འདས་འདི་ལྟ་སྟེ། དཔེར་ན། སྐྱེས་བུ་ལ་ལ་ཞིག་གིས
148a5 གྲམ་པའི་ས་ཕྱོགས་སུ་ཤིང་ཙམ་པ་ཀ་བསྐྲུན་བསྐྲུན་ལ། ཆབ་སྩོལ་བར་མི་བགྱིད་ཀྱི། གང་ནས་ཆབ་མཆི་བར་མཐོང་བའི་ཕྱོགས་དེ་ཡང་གོར་མ་དང་། གྱོ་མོ་དག་གིས་བཀུམ་ན་བཅོམ་ལྡན་འདས་དེ་ལྟར
148a6 ན་ཞུགས་ཤིང་ཙམ་ཀ་ཆབ་དང་བྲལ་བ་དེ་ལ་ཡལ་ག་དང་། ལོ་མ་དང་ཡལ་ག་ཕྲེའུ་མ་ཆགས་པ་རྣམས་ཀྱང་ཆགས་པར་མི་འགྱུར། ཡལ་ག་དང་། ལོ་མ་དང་། ཡལ་ག་ཕྲེའུ་ཆགས་པ་རྣམས་ཀྱང
148a7 སྐམས་སྟེ། དོག་ས་ལ་ལྟུང་བར་འགྱུར་རོ།། བཅོམ་ལྡན་འདས་དེ་བཞིན་དུ་བྱང་ཆུབ་སེམས་དཔའ་གང་བྱང་ཆུབ་ཀྱི་སེམས་བསྐྱེད་ལ། ང་རྒྱལ་གྱིས་ཁེངས་ཤིང་ང་རྒྱལ་གྱི་རེངས་པར་གྱུར་ན། དེ་དགེ
iiif viewer powered by OpenSeadragon
