| e-texts navigator |
| Wylie |
140a1 སེམས་དཔའ་གང་གནས་པར་མི་བགྱིད་པ་དེ་མི་གཡོའོ། ། གང་མི་གཡོ་བ་དེ་ཆོས་ཐམས་ཅད་ཀྱིས་མི་འཁྲུག་སྟེ། འདི་ནི་དེའི་བསྒྲུབ་པ་ཡང་དག་པ་ལགས་སོ།། བྱང་ཆུབ་སེམས
140a2 དཔའ་སེམས་དཔའ་ཆེན་པོས་གསོལ་པ། བཅོམ་ལྡན་འདས་འཇིག་རྟེན་ནི་སེམས་ཀྱིས་སྤྱོད་དོ།། བཅོམ་ལྡན་འདས་འཇིག་རྟེན་ནི་སེམས་ཀྱིས་རྒྱུག་གོ།། རྗེས་སུ་རྒྱུག་གོ།། བཅོམ་ལྡན་འདས་བྱང་ཆུབ
140a3 སེམས་དཔའ་གང་སེམས་ཅན་ཐམས་ཅད་སེམས་མ་མཆིས་པར་གྱུར་པ་དེ་མི་སེམས་མི་རྟོག་སྟེ། འདི་ནི་དེའི་བསྒྲུབ་པ་ཡང་དག་པ་ལགས་སོ།། བྱང་ཆུབ་སེམས་དཔའ་མཐོང་དགས་གསོལ་པ། བཅོམ
140a4 ལྡན་འདས་ཚོར་བ་ཐམས་ཅད་ནི་དེ་བཞིན་གཤེགས་པས་སྡུག་བསྔལ་དུ་གསུངས་ཏེ། བཅོམ་ལྡན་འདས་བྱང་ཆུབ་སེམས་དཔའ་གང་ཚོར་བ་ཐམས་ཅད་ཀྱི་རྒྱུན་བཀུམ་ནས་ཚེར་བ་མ་མཆིས་ཤིང་ལེན་པ
140a5 མ་མཆིས་ཀྱང་། ཚོར་བ་འགོག་པ་ལ་ཡང་རེག་པར་མི་བགྱིད་ལ། སྙིང་རྗེ་ཆེན་པོས་སེམས་ཅན་ཐམས་ཅད་ཀྱང་ཡོངས་སུ་མི་གཏོང་བ་འདི་ནི་དེའི་བསྒྲུབ་པ་ཡང་དག་པ་ལགས་སོ།། བྱང་ཆུབ་སེམས
140a6 དཔའ་གླང་ཆེན་སྤོས་ཀྱི་བ་བླང་གིས་གསོལ་པ། བཅོམ་ལྡན་འདས་བྱིས་པ་སོ་སོའི་སྐྱེ་བོ་དག་ནི་ཕུང་པོ་ལྔ་ལ་ལྟ་བས་གྲགས་པར་གྱུར་པས་ཁུར་གྱིས་ནོན་པ་ལགས། བཅོམ་ལྡན་འདས་བྱང་ཆུབ
140a7 སེམས་དཔའ་གང་ཕུང་པོ་ལྔ་ཡོངས་སུ་འཚལ་བ་དང་ལྡན་ཏེ། ཁུར་མྱུར་དུ་འདོར་བ་དེ་བྱིས་པ་སོ་སོའི་སྐྱེ་བོ་ཕུང་པོ་ལྔ་ལ་ལྟ་བས་གླགས་པར་གྱུར་པས་ཁུར་གྱིས་གནོན་པ་རྣམས་ཀྱི་ཁུར་སྤང་བའི་ཕྱིར
iiif viewer powered by OpenSeadragon
