| e-texts navigator |
| Wylie |
138b1 དེའི་དེ་བཞིན་བྱེད་པའོ། ། གཞན་ཡང་བསམ་པ་ནི་ཇི་སྐད་སྨྲ་བའོ།། གཡོ་མེད་ཅིང་སྒྱུ་མེད་པ་ནི་དེ་བཞིན་བྱེད་པའོ།། སྦྱོར་བ་ནི་ཇི་སྐད་སྨྲ་བའོ།། སྦྱོར་བ་ཉམས་འོག་ཏུ་ཆུད་པར་བྱེད་པ་ནི་དེ་བཞིན་བྱེད
138b2 པའོ། ། རྩོམ་པ་ནི་ཇི་སྐད་སྨྲ་བའོ།། རྩོམ་པ་ལ་ཞུམ་པ་མེད་པ་ནི་དེ་བཞིན་བྱེད་པའི།། ལྷག་པའི་བསམ་པ་ནི་ཇི་སྐད་སྨྲ་བའོ།། དེ་ལ་མ་ཆགས་པར་ཁྱད་པར་དུ་འགྲོ་བ་ནི་དེ་བཞིན་བྱེད་པའོ།། དམ
138b3 བཅས་པ་ནི་ཇི་སྐད་སྨྲ་བའོ། ། དམ་བཅས་པ་ཉམས་འོག་ཏུ་ཆུད་པར་བྱེད་པ་ནི་དེ་བཞིན་བྱེད་པའོ།། ཐོས་པ་ཀུན་ཏུ་འཛིན་པ་ནི་ཇི་སྐད་སྨྲ་བའོ།། ཐོས་པ་སྒྲུབ་པ་ནི་དེ་བཞིན་བྱེད་པའོ།། ཚིག་གིས
138b4 ཡང་དག་པར་བླངས་པ་ནི་ཇི་སྐད་སྨྲ་བའོ། ། ལུས་དང་སེམས་ཞུམ་པ་མེད་པ་ནི་དེ་བཞིན་བྱེད་པའོ།། ང་རྒྱལ་མེད་པ་ནི་ཇི་སྐད་སྨྲ་བའོ།། ཡེ་ཤེས་ཡོངས་སུ་རྫོགས་པར་བྱེད་པ་ནི་དེ་བཞིན་བྱེད་པའོ།།
138b5 བསླབ་པ་ཡང་དག་པར་བླངས་པ་ནི་ཇི་སྐད་སྨྲ་བའོ།། བསླབ་པ་མ་ཉམས་པ་ནི་དེ་བཞིན་བྱེད་པའོ།། སེམས་དང་པོ་བསྐྱེད་པ་ནི་ཇི་སྐད་སྨྲ་བའོ།། བྱང་ཆུབ་སེམས་དཔའི་སྤྱོད་པ་བསྒྲུབས་པ་ནི་དེ་བཞིན
138b6 བྱེད་པའོ། ། མི་སྐྱེ་བའི་ཆོས་ལ་བཟོད་པ་ནི་ཇི་སྐད་སྨྲ་བའོ།། ཕྱིར་མི་ལྡོག་པའི་ས་ནི་དེ་བཞིན་བྱེད་པའོ།། སྐྱེ་བ་གཅིག་གིས་ཐོགས་པ་ནི་ཇི་སྐད་སྨྲ་བའོ།། བྱང་ཆུབ་ཀྱི་སྙིང་པོར་འདུག་པ་ནི་དེ་བཞི།
138b7 བྱེད་པའོ།། ཡང་དག་པར་བླངས་པ་བརྟན་པ་ནི་ཇི་སྐད་སྨྲ་བའོ།། ཐམས་ཅད་མཁྱེན་པ་ཉིད་མངོན་པར་རྫོགས་པར་བྱང་ཆུབ་པ་ནི་དེ་བཞིན་བྱེད་པའོ།། ཆོས་ཀྱི་འཁོར་ལོ་རབ་ཏུ་བསྐོར་བ་ནི་ཇི་སྐད་སྨྲ་བས།།
iiif viewer powered by OpenSeadragon
